" رمضان " والاستعداد له ما بين تنظيف البيت والعبادات

بعد أيام معدودة سوف يأتى الشهر الذى ينتظره جميع المسلمين وهو شهر الرحمة والغفران " شهر رمضان " وقبل بداية شهر رمضان يبدأ تفكير ربة المنزل فى كيفية تنظيم البيت وتنظيم الاكل وكيفية الاحتفال بهذا الشهر الكريم دون الاقتصار فى العبادات ولذللك سوف نطرح عليكم بعض الاسئلة وأجاباتها التى توضح كيفية الالمام بهذا الشهر الكريم .
* ازاي احتفل بشعبان ورمضان؟
اولا لازم نعرف ايه فضل شعبان الرسول عليه الصلاة والسلام قال عن شعبان انه يغفل عنه الناس لانه يأتي بين رجب ورمضان كان الرسول يصومه كله عدا يوم الشك في هذا الشهر ترفع فيه الاعمال .
ثانيا الاكثار من الاعمال والاقوال الصالحة ودايما لسانا يبقى عامر بذكر الله مش بالقيل والقال والشتيمة والدعاء على فلانة ربنا يبتليها ويجي ويحط عليها وينفخها والكلام اللي بنسمعه من الناس ده
ثالثا لازم يكون في وقفه مع نفسنا ونحاسب نفسنا ونقول احنا عملنا ايه طوال السنة
ظلمنا حد, وطبعا قبل ما نجري ندور ع الناس البعيدة ندور ع الناس القريبة الام والاب لان دول اهم حاجة في حياتنا وربنا وصانا عليهم في حديث عن الرسول صلى الله عليه وسلم (رغم انفه رغم انفه رغم انفه قيل من يارسول الله؟ قال:من ادرك ابويه او احداهما ولم يغفر له ) ومعنى كلمة رغم انفه: اي دعكت في التراب وطبعا اكرام الوالدين مش بالتليفون ولا بالكلام الحلو ولكن بحسن المعاملة والعطاء اه العطاء واتك عليها شويتين ليه احنا كابناء متعودين ناخد منهم ومانديهمش غير شيلهم لمسؤليتنا نتعلم نديهم والصدقة اللي تطلعيها دوري الاول ماما محتاجاها اديهالها طبعا مش هاقول هدية عيد الام وبتاع لان انا عارفة وانتي عارفة ان دي بدعة وربنا وصانا بيها طول العمر مش يوم في السنة وانا باقول مش معنى انه بدعة اننا نهمل اماهتنا وآبائنا ومانهديهمش ومانفكرش اننا نديهم حاجة
العمات والخالات والاقارب (صلة الرحم)
ومش عاوز اطول عليكم عشان ماتزهقوش مني وتقولوا دا الموضوع دا في قسم التنضيف ولا في مسجد ولا في كتاب ولا احنا دخلنا موضوع غلط والمفروض ان كل قسم يلتزم بما يخصه وبس
رابعا عاوزين نتدرب على الطاعة من صلاة فرائض ووسنن وكمان صوم في شهر شعبان على اد ما نقدر صوموا
خامسا الصدقة:مش هاقولكم بقى اقتصوا مبلغ وقدره ولا هاحدد بس هاقول دايما نكون متصدقين بصدقات بسيطة ودايما يكون في نية الصدقة دي لما نيجي نطلع حاجة مثال ضيق جارتي خبطت شوية كمون ماروحش جري وانا بانفوخ واديها شوية الكمون او اجري واديها وانا مابسوطة عشان اكون كسرت عينها عشان بتطلب مني او اجري اديها عشان الناس يقولوا عليا اني نزيهة واللي في جيبي مش ليا لا طبعا مش كده انتي كده هتجري تتكعبلي عدم اللامؤخذة عاوزة يبقى في النية انك تديها بنية صدقة عشان ربنا يباركلك في رزقك او صحتك يعني وانتي رايحة وبتديها حطي انا باتصدق عشان وعشان وعشان مثال برضو اضيق شوية عشان اللي فوق وسع مني شوية السواق اللي بتركبي وياه وبيوصلك بشنط السوق فيها ايه لو زودتي المواصلة جنيه مثلا على حقه بهدف صدقة مانتي جايبة حاجات ايشي وشويات وكاعة فلووس اد كده مش هيجي ع الجنيه الصدقة اللي هتديه للسواق او البواب اللي هيشلك الشنط انك مثلا تزوديه لازم بند الصدقة دا يبقى في حسباناتك عشان ربنا يباركلك باذن الله
سادسا ودي كان المفروض تبقى اولا وهي التوبة هي اننا نتوب على معصية بنعملها يعني اللي بتسمع اغاني تبطل واللي بتشرب سجاير تبطل كده يعني
جميل اوي لحد كده طب العيال عاوزاهم يحتفلوا
مانا جيالك اهو بالكلام طبعا بجانب تحبيبك ليهم لرجب وشعبان ورمضان وجمال الصيام ومظاهر احتفاله
اكيد هنجيب حبل نور ونعلقه وفانوس
طب امتى نبتدي نعلق باذن الله يوم 15 شعبان نبتدي كلنا نجهز لرمضان ونعلقله نوره ونفرح بجمال النور اكبر وقت ممكن لاحسن رمضان بيدخل الايام من جمالها ال30 يوم بيطيروا