النصائح الذهبية لمن سرقت سيارته أوعي تنفذها

1-اذا سرقت سيارتك وانت نائم في البيت واكتشفت ذلك اخر الليل فكمل نومك لانه محدش عارف عنك وعن سيارتك حاجة يعني الصباح رباح
2- اذا مافيش داعي ابداً انك تبلغ ولا تكلف نفسك وقت الاتصال وتحكي الحكاية وتعيد وتزيد في الرواية يمكن واحد منكم يقوللي ليه المفروض تبلغ اقولك حتي لو بغلت مش هايحصل حاجة وهو ما يقدرش يعملك حاجة لازم يوصله بلاغ رسمي مختوم حتي يبلغ الدوريات الراكبة والطائرة والمبحرة .
3- اذا حبيت تروح للشرطة لازم تكون اعصابك باردة تحسباً للأسئلة الجوهرية مثلأً يعني ليه انسرقت سيارتك ياحبيبي في ألف سيارة مسروقة عندنا محناش لقينها يعني بلاغك من باب حماية نفسك حتي لا تستخدم السيارة في امور اخري لحين يتم القبض علي السارق و ترجع لك سيارتك
4- اذا اتهموك انت في سرقتها فلا بأس عليك وإلتزم الهدوء ولا تتعجب فلقد افهمني سيدي الضابط ان هناك من يسرق سيارته ويبلغ عنها ربما كان يقصد الناس الأشرار الوحشين زي الشبح الذي بلغ عن سيارتة وعدي علي اكثر من عشرين نقطة تفتيش ولم يساله احد عنها اقول ربما جايز
5- اذا كان لك مفقودات في السيارة ثمينة كانت او رخيصة فالله يعوض عليك أوعي تتعب نفسك وتذكرها في ملف التحقيق الذي سيجريه لك المحقق لان الامل في رجوع السيارة بسيط فضلا عمافيها
6- اذا ارسل البلاغ الرسمي الي جميع الدوريات وسمعته بودنك فلا تعتقد ان سيارتك ها ترجع لك في نفس اليوم انسي لانه انت اللي سمعت البلاغ لكن الدوريات ودن من طين ودن من عجين مشغولين كان الله في عونهم ياحرام .
7- اذا كنت حريصا علي التبليغ الله يعينك بلغ كل دورية تمر عليك و اي مركز تمر عليه انت بالمناسبة سالت اكثر من ثلاث دوريات في نفس اليوم اللي بلغت فيه كلهم قالوا ماعندناش فكرة عنها والسيارات كتيرة ها نتابع إيه ولا إيه ولاها نحفظ نمر كل السيارات اللي ها تعدي يعني من النهاية الله يعينك وانت بتدور علي سيارتك
8- اذا كنت محظوظ ولقيت انت سيارتك اوعي تقرب منها ارمها بسبع حصوات من بعيد زي الشيطان وقل اللهم سكنها في مسكنها وإبعد الأرواح الشريرة عنها وبلغ عنها اقرب دورية وامسك في الأمين لما يجي معاك عندها لأنه لو حركتها من مكانها ياجميل صدقني هاتروح فيها وتبقي انت اللي بتتلاعب بالامن ومبلغ بلاغ كاذب لغرض قلب نظام الحكم في الدول العربية كلها
9- اذا هم لقوها لك مرمية في مكان مشبوه فخذ اللي تقدر تحصله منها وقل ربي يعوضني وإدبح دبيحة لوجة الله ووزعها علي الغلابة والمساكين وإوعي تطلب شيء زيادة أو تفتكر نفسك مواطن وليك حقوق زي باقي البشر وإياك تطلب حاجات كده من اللي بينص عليها القانون والكلام التخين المجعلظ وإحمد ربنا إنهم ماسحبوهاش الي مسواها الأخير وتم تمشيطها
10- احمد ربك ان سيارتك رجعت لك حتي ولو شاسية علي أربع عجلات أوعي تقول مكسرة والحرامي فلت من العدالة انسي الكلام دا كله وارضي بسيارة مكسرة معدومه احسن من مفيش
11- اذا اخذت سيارتك بعها علي طول علشان تحاول تنسي اليوم اللي إشترتها فية و الله يعينك علي الكوابيس اللي هاتجيلك في أحلامك مرة ثانية احمد ربك انك لقيتها واوعي تفكر انه الطيب اللي تركها لك خردة ناوي يسيبك المرة الثانية
12- اعلنت الشرطة كثيراً منذ فترة في احدي صحفنا انه تم القبض علي سارق سيارات اعترف بسرقة اكثر من 54 سيارة ومنزلا يا حبايبي والله عيب عليهم اربعة وخمسين سيارة وبيت وكان يتنقل من سيارة إلي أخري كالنحلة اتوقع إنه هو مل وسلم نفسه لأنة ركب جميع الموديلات وإتمتع
13 - نداء الي كل حرامي ولص ها يقرا هذا الموضوع ( مع احترامي لجميع القراء لكن قلت يمكن اللي سرقه هذه السيارات يمر من هنا) والله ما نملك الا أن ندعي عليك طوال الليل والنهار وحسبنا الله ونعم الوكيل فيك