نرصد تعليقات المصريين الساخرة على استقالة حكومة الببلاوى

فور سماع نبأ استقالة حكومة الببلاوى اشتعلت مواقع التواصل الاجتماعى فرحا بذلك النبأ وتبادر رواد تلك المواقع بالقاء التعليقات الساخرة على حكومة الببلاوى ونحن نرصد فى هذا الموضوع تعليقات رواد مواقع التواصل بهذه المناسبة
قال أحد الاشخاص .."الببلاوى استقال يا رداله ...لولولولوللولوى...ابو الهول استقال يلا الى المتحف يا يا راجل يا حفرى"
وقال آخر "استقالة وزارة الببلاوى يلا خدت الشر وراحت"
وقال آخر "تم تشييع المرحوم الببلاوى الى مثواه الأخير ..-ياما انت كريم يارب"
وقال اخرين
"سبب استقالة الببلاوى هو كِبر سِنه والرغبه ف تجديد الدماء بالشباب ولذلك سيتم تكليف الجنزورى بتشكيل الوزارة الجديدة .. نعم للشباب .. نعم لمصر"
"ببلاوى هيتحفنا بخطبه بعد قليل ، احنا مسامحينك. يا حاج من غير خٌطب بس غووووووووور"
واحد اخوانى كاتب " الله اكبر .. استقالة حكومة الببلاوى والسيسي إعتراضاً على الإنقلاب " ..... دماغ ضانى صحيح
وقال آخر الببلاوى إستقال وكتب فى نص إستقالته .. انهم يرجعو نفس المقبره الى خدوه منها من شهور .. ومن غير تحنيط
وقال آخرين
انباء عن حمله جمع قلل لكسرها بعد استقاله حكومه الببلاوى....
والنبى من كتر الفرحة عاوزه ادبح ارنب وافرقوا ع البلد كلها
نعمل بروتوكول تعاون مع أثيوبيا و نبعت لهم الببلاوى اقتراح بردوو
اما كان اكتر القفشات صادرة عن شخص يدعى
الشيخ ملتوف نرصد منها
لقد خسرت مصر رجلا من اعبط الرجال بل من اهبل الرجال نقلش على مين من بعدك يا زيبلاوى
بعد استقالة البيبلاوى اقدر اقول الحمد لله ثورة 19 حققت اهدافها
الزيبلاوى بعت الاستقالة فى ورقة بردى
وقال آخرون
الببلاوى رجع المتحف خلاص .. فى انتظار وجوه شابه جديده من ثورة 19 علشان تمسك الحكومه
الببلاوى ده لو إتحط جمب الحيط وفوقيه ربع جنيه هترجع تلاقى الربع جنيه متاخد وهو متساب
شيل الببلاوى و كلم سنوسرت التالت يحلف اليمين
مصادر
أنباء عن خروج ثوار ثورة 1919 فى مظاهرة احتجاجية على استقالة الببلاوى
وسعد زغلول يصدر بيانا يعلن فيه دعمه للببلاوي
الببلاوى استقال .. يجب الدفع بالقيادات الشابة لتسيير دفة الوطن .. انا اقترح الجنزورى
حكومة الببلاوى استقالت أجدعان
خش عليا بالجنزورى بقا
اما احمد الخولى فكان تعليقة على الاستقالة "خد سيف ، كمان سيف . هات جنزورى"
عاجل : الببلاوي يعلن استقالته ويتجه بموكبه مباشرة عائدا الى العالم الاخر
عودي يا هاميس خلاص الببلاوي رجع
ويواصل الشيخ ملتوف قفشاتة
عزيزى المواطن اوعى فرحتك باستقالة الحكومة تنسيك جون مجدى عبد الغنى فى كاس العالم
بيقولك الببلاوى اقالوه مش استقال..والسبب انه رفض يجربوا فيه جهاز الايدز الجديد..قالهم مقدرش ف السن ده
المتحف المصرى يطالب الببلاوى وبعض وزراءه للعوده من جديد لقاعة المومياوات بعد ان قل عدد زوراها بعدما تركوها لتشكيل الحكومه المستقيله
دلع عيني دلع الببلاوى خربها وخلع
انا بقول ندى فرصة لمونيل جوزيه
المعلم مبسوط منك وبيقولك ماتجيش تانى ..
الببلاوى خلاص هيسيبنا ؟
يللا أرزاق ..
تعرفوا الببلاوى لو كان عايش ؟ ، كان هيفرق معانا كتير
بس بقى رئيس وزرا بعد ما مات ب عشرومية سنة ، ملحقش
وفال آخرون
بصوا بئا عاوزين تستقيلوا كلكوا براحتكوا هتريحونا بس وزير التربية وتأجيل الدراسة خط احمر
الببلاوى مات من عشر سنين وده كان عفريته والحمد لله صرفناه
رسالة لرئيس الوزرا القادم تشكيل وزارى مفيهوش صافيناز انا غير معترف بيه
طب حد اطمن علي حواجب الببلاوى بعد الاستقاله؟
وسوف يذكر التاريخ أن مصر فى عهد الببلاوى رع ووزير زراعته قد حققت الاكتفاء الذاتى من البيض ...وان كل مواطن رقد فوق بيضه وفقس
طالب بيسئلوه انت زعلان ليه ان البييلاوى استقال ده كل الناس فرحانه
قال انا مش زعلان ع البيبلاوى انا زعلان على وزير التعليم خلاص كان فاضله تكة ويلغى الترم