ميدو «الهمجي»

بالبلدى

والله الزملكاوية صعبانين عليه مش عارف حيلاقوها منين ولا منين، وإن شاء الله أنا متوقع للزملكاوية أن يروحوا يقعدوا في مستشفي المجانين لأنه اللي بيعمله لاعبي الزمالك وفريق الأوهام بتاعهم في جمهورهم حاجة لا يصدقها عقل معقولة النجوم شيكابالا وميدو وعمرو زكي موجودين ومع ذلك وجودهم زي عدمه، لأن الزمالك اتغلب من بتروجيت في وجود الثلاثي شيكا وميدو وزكي وكمان الزمالك اتعادل بالكوسة مع المقاولين في وجود الأخ الهمجي «ميدو» اللي قام بضرب حارس مرمي المقاولون بهمجية وقلة أدب وللأسف الشديد الأخ حمدي شعبان حكم المباراة لم يقم بطرد ميدو الذي يستحق أن يوقفه اتحاد الكورة ونادي الزمالك لأنه لاعب همجي وقليل الأدب.
نترك الأخ ميدو الهمجي ونذهب إلي الكابتن حسن شحاتة ومنتخب مصر ومباراته أمام رواندا وإن شاء الله ربنا يكرمنا ونكسب هذه المباراة وأطالب من ملايين المصريين أن يدعوا الله بالفوز وهمه صائمين حتي يستجيب الله رب العالمين لدعاء ملايين المصريين آمين آمين يا رب العالمين.