ضبط شاب اعتدى على الإعلامية سالي عبد السلام بمحطة وقود

ضبطت الأجهزة الأمنية الشاب الذي اعتدى على الإعلامية سالي عبد السلام، بإحدى محطات الوقود بالتجمع الخامس.

وتبين أنه موظف بإحدى شركات المقاولات بالقاهرة، وجرى اتخاذ الإجراءات القانونية.

ونشرت «عبدالسلام» مقطع فيديو عبر حسابها الرسمي بموقع «إنستجرام»، صورته أثناء الواقعة، وعلقت قائلة: «امسك متحرش مش هنسيبكم ده واحد وانا قاعدة من شوية في العربية ومنزلتش حتى بشرب كوفى انا وريم صاحبتى في البنزينة اللى جمب بيتى جه يستظرف «معاكى شاحن؟؟»، رديت بكل ادب لا وداخل بدماغه يشوف!! بعدها انتى متضايقة ليه!!؟ قولتله حاجة متخصكش واتفضل امشى!! لااااا متكلمنيش كدة!!! قولتله اتفضل من هنا!! مفيش!!!!».

وأضافت: «ولسه هيقل ادبه ويستظرف تانى صورته فيديو!! ما الناس اتلمت بيقولهم كنت بطلب شاحن! الرجالة بقيت بتقوله هو معلش!!! السؤال هل هو العادى أن أي حد ممكن يكلم بنات ويستظرف ويدخل جوا العربية وعايزنا نسكت؟؟! ليه!!!؟؟؟ احنا حصلنا ايه؟؟؟! وده رقم عربيه انا هعرف اجيب حقى إن شاء الله (ا ع ق 7431) السؤال بقى هو مين ده؟؟ وهل ده عادى؟ في بنات هتقبل ده عادى!! مجتمعنا شايف انه عادى؟ ولما اقوله امشى ميمشيش».