أبرز رسائل الرئيس السيسي اليوم: «لا نهدف إلى إيذاء المواطن في نزع الملكية ونعوض وبسعر مناسب جدا»

تحدث الرئيس عبد الفتاح السيسي، في عدد من القضايا الهامة اليوم خلال خلال كلمته في افتتاح مشروعات قومية جديدة، بمدينة 6 أكتوبر بمحافظة الجيزة لعل ابرزها من يتعلق برؤية الدولة في القضاء على المناطق العشوائية واليات تعويض المواطنين التي يتم نزع إملاكهم بسب المشروعات القومية كما تحدث الرئيس السيسي عن ملف البناء واليات التصالح فيما "لما قولنا فى غرب القاهرة الكبرى أو غرب محافظة الجيزة، أردنا تحرير الحركة بشكل لا يقل عن شرق القاهرة، وبالتالي القاهرة سواء شرقها أو غربها أو غرب النيل وفق التوصيف من نهر النيل.. وأمامنا تحدي إنك مثلا فى منطقة كرادسة.. بتتكلم في عدد سكان كبير أوى.. طب احنا حلينا المسألة على محور رئيسي سواء عرضى أو طولي حول هذه المنطقة".
وأضاف الرئيس السيسي، خلال كلمته في افتتاح مشروعات قومية جديدة،: "نعمل محور رئيسي أو محورين.. واحد طولى وعرضي.. ياخد الحي ده ويكون فيه حركة.. عارف ان حكم المساكن اللى موجود في المنطقة دي.. زى كرادسة وناهيا وبولاق.. طرق بسيطة.. حارة وحارة أو حارتين وحارتين.. احنا حلينا الموضوع حول الجيزة.. عاوز اخلى المواطن اللى في بولاق وكرادسة يتحرك بشكل كويس".
كما أكد الرئيس عبد الفتاح السيسي، أن الدولة وضعت مبدأ عام بتعويض المواطنين حين يتم الإزالات من أجل الصالح العام، متابعا: "اللى بنعمله ده من بناء طرق وكباري الهدف أن المواطن يتحرك كويس.. مش معقول الفارق بين البيت والبيت 5 أو 10 أو حتى 20 متر.. الموضوع ده محتاج دراسة مع محافظة الجيزة.. نشوف المحاور الموجودة بالفعل جوه الأحياء وهل يمكن التوسعة ولا".
وأضاف :علشان نعمل نضطر إلى بعض الإزالات.. وبقول الكلام ده مبدأ عام الدولة حاطته على نفسها.. اى ازالات للنفع العام.. الدولة تعوض الناس.. الخطة الطموحة هتخلص السنة دي كله.. هل ممكن نكون نبقى طموحين ونخلصه السنة دى.. احنا في شهر 3".
تحدث الرئيس عبد الفتاح السيسي، عن اشتراطات البناء، قائلا: "ليه احنا كدولة عملنا الاشتراطات دي.. وليه واخدين اشتراطات قاسية علي المواطنين"، مستعرضا صورة كاملة للكتلة العمرانية الصماء والمكدسة بالسكان والأنشطة والحركة.
وأضاف الرئيس السيسي، "لما نشوف الصورة دى.. لو واحد عنده حتة أرض فاضية ينفع يبنى فيها.. انا اخليه ينفع.. طب لو قولتله ابنى دورين.. يقولى اشمعنى انا ما اللى جنبي عنده 15 دور.. اشمعنا انا.. عمرنا ما هنغير.. مفيش دول بتعمل كده".
وعلق الرئيس عبد الفتاح السيسي، على كلمة الدكتور عاصم الجزار وزير الإسكان حول أعداد المتقدمين فى الإعلان الأخير الخاص بوحدات جنة ودار مصر وسكن مصر، قائلا: "هنوفر وحدات سكنية لكل من تقدم لهذه الوحدات".
داعب الرئيس عبد الفتاح السيسي، الدكتور محمد شاكر وزير الكهرباء، قائلا: "مش ممكن اللى بتعملوا فينا"، وذلك خلال كلمة اللواء أركان حرب إيهاب الفار رئيس الهيئة الهندسية للقوات المسلحة، بحديثه عن التعاون مع وزارة الكهرباء في تنفيذ المشروعات.
كما داعب الرئيس عبد الفتاح السيسي، شركة المقاولون العرب، قائلا: "دى شركة عملاقة"، وذلك خلال حديث اللواء أركان حرب إيهاب الفار رئيس الهيئة الهندسية للقوات المسلحة حول المشروعات التي تنفذها المقاولون العرب.
تحدث الرئيس عبد الفتاح السيسي، عن اشتراطات البناء، قائلا: "النقطة دى عليها نقاش كبير.. حتى على مستويات مختلفة.. اتصور البرلمان لازم يساعدنا في اللى احنا بنعمله.. الهدف مش إيذاء المواطن.. الوطن بتاعتنا كلنا.. اشتراطات البناء".
وأضاف الرئيس السيسي، خلال كلمته في افتتاح مشروعات قومية جديدة: "حد يقولى لو أنا مكانك مش أخلي في محافظة القاهرة تتبنى تاني.. كسكن.. لازم مخطط مضبوط".