جو جميل من البهجة يملأ شوارع محافظة الدقهلية، "حالو يا حالو رمضان كريم يا حالو" كلمات تسمعها كثيرًا فى الشوارع، يتغنى بها الأطفال فى بهجة وسعادة استعداداً لاستقبال شهر رمضان الكريم، ومع الاستعدادات لحلول رمضان تتواجد "زينة رمضان" التى تعتبر من أول مظاهر الاحتفال بالشهر الفضيل، في كل شارع ومنزل. ونجد هذه الأجواء فى الشوارع مع حلول شهر رمضان ويتسابق الشباب ويتفنن فى تزيين الشوارع بالألوان والأضواء، وتتسابق الشوارع فى أشكال تعليق الزينة وفي جولة ل "صوت الأمة" بشوارع محافظة الدقهلية تعرفنا علي استعدادات شهر رمضان وتعليق الزينة وأهميتها. يقول منصور عبد الله، من مدينة المنصورة "زينة رمضان دى ليها وضع تانى، يعنى لازم نجهز لها قبل رمضان بأسبوع، وأهم مظاهر الزينة فانوس رمضان اللي بيتعلق في نص الشارع وبنتسابق بين الشوارع ونعرف أحلي فانوس وزينة ". وأضاف محمد إبراهيم، طالب بجامعة المنصورة "كنا بنعمل فانوس رمضان بورق الكراريس القديمة ونلزقه بالنشا والماية، ونعمل واحد تاني بالجلاد الملون ونلزقه فى الحبل، ونزين الشارع كله أنا وأصحابي، دا غير الزينة البلاستيك اللي بتتعلق في الشارع والبلكونات". وأشارت مني السيد، ربة منزل "الزينة اليدوية اللي بيصنعها الشباب والأطفال بنفسهم بتحسسنا برمضان، لكن الزينة الجاهزة تحس إنها مجرد سد خانة". فيما قال مسعود أحمد "بنستنى رمضان من السنة للسنة عشان الزينة لأنها بتضيف جو مبهج جميل، تشعر بالارتياح عند عودتك من صلاة التراويح، فتجد الشوارع مضاءة ومنظهرها جميل والناس كلها مجتمعين". وأكد مصطفى محمود، 23 سنة من منطقة ميت حدر" لحد دلوقتى بعمل زينة رمضان مع أصحابى، ودي أكتر حاجة بتحسسنا بجو رمضان، وطبعًا الحي بتاعنا له جو تاني في رمضان". زينة رمضان تملأ شوارع الدقهلية
