حكاية العشق الحرام(1/2)

وقعت تحت أيدينا تسجيلات صوتية بين رجل أعمال شهير للغاية وله الكثير من مصنفات العمل الاعلامى وخادمة زوجته الممثلة الشابة الشهيرة أيضا، رجل الاعمال له الكثير من الزيجات كلها ممثلات ولكن زوجته الشابة كانت بالنسبة له تحديا كبيراً لانها كالفرس الجامح تنتظر «خيال» من طراز فريد لذا فرضت شروطها عليه حينما تقدم للزواج منها منذ سنوات وكان لها ما ارادت ولكن بعد الزواج اكتشفت ان زوجها حريص جدا فى الانفاق، ولكنها تجاوزت الامر فالجنة تحت اقدامها ومع مرور الوقت اكتشفت عيباً آخر وخطيراً فى زوجها وهو انه يهوى الحرام مع الساقطات وفى كل مرة كانت تقترب من ضبطه متلبساً كان يفلت منها كالبهلوان، الى ان جاء اليوم الذى احتاجت فيه الممثلة الشابة ونظرا لزيادة مسئولياتها إلى خادمة بدرجة مديرة منزل وجدت فتاة مناسبة فى كل شىء لغة ومظهر مقبول وذكية للغاية لذا كانت تعتمد على خادمتها كثيرا خاصة فى فترة اسفارها وتصويرها لاعمالها الفنية بالرغم من ان الخادمة كانت تنصرف بعد قدوم الابناء من المدارس الساعة الخامسة، وهنا نكشف تسجيلات تؤكد خيانة رجل الاعمال الشهير لزوجته الفنانة الشابة ومع من؟ مع خادمتها، فى احدى المكالمات يتحدث رجل الاعمال للخادمة ويقول لها: خلاص نتقابل واجيب لك شوية اكل من السوبر ماركت بس قابلينى فى نفس المكان بتاع المرة اللى فاتت وترد الخادمة: لا انا هاوصف لك البيت وتيجى لوحدك انت مش عرفت الطريق وبعدين المرة اللى فاتت لما نزلت اجيبك وحياة المصحف كنت هاتخطف فى عربية بس ربنا ستر.. رجل الاعمال: الموضوع ده انتهى اعتبرينى السواق الخاص بتاعك حتى لو الساعة اتنين بالليل بحبك.. بحبك يا بقرة.
وفى مكالمة أخرى بينهما يقول رجل الاعمال: صحيت الساعة اتناشر واول ما قمت اديتك بوسة وانا بالبس اهو وانا بكلمك، الخادمة ترد فى دلع: يا....... انا نمت الساعة ستة، فيرد رجل الاعمال: طيب شوية وانا هاجى انام جنبك ساعتين تلاتة كده، الخادمة: لأ مش هاينفع خالص النهارده مش قلت لك خلاص، رجل الاعمال يرد: بلاش هبل وبلاش نضيع وقتنا فى الكلام الفاضى وخلاص انا مش هازعل تانى ولا هاتقمص.. يلا انزلى خدينى، الخادمة: لأ المفروض انك حفظت الطريق، رجل الاعمال: طيب خلاص انا جاى.
انا عايزاك اوى هكذا قالت الخادمة لرجل الاعمال الذى قال: وانا كمان، الخادمة: هى...... عندها تصوير لسه، رجل الاعمال: ايوه، الخادمة: ربنا يكتر فى تصويرها واوردراتها ومسلسلاتها وافلامها، بالمناسبة انا شفتها وهى ماسكة فى ايدك فى حفلة ال............ رجل الاعمال يرد: اااااااااااااااااه وعجبتك؟ الخادمة ترد: وانا كنت مركزة معاك اوى، رجل الاعمال: عموما بكرة الساعة اربعة تروحى تعملى شعرك وانا هاجيلك على الساعة ستة كده.. الخادمة: ومين قالك انها خلصت؟.. رجل الاعمال ضاحكا: لا عارف، الخادمة: بس شعرى كده يتحرق، رجل الاعمال: ماليش دعوة بقى ما انا اللى بادفع.
كانت اللقاءات تتم فى شقة الخادمة إيجار قانون جديد بإحدى المناطق النائية وكان رجل الاعمال يتعمد الذهاب لها بعد الواحدة ليلا حتى لا يراه أحد.