الفيزياء تقضي على أحلام طلاب الثانوية العامة بالإسكندرية (صور )

حالة من الغضب سيطرت على طلاب الثانوية العامة بالإسكندرية اليوم الأحد، عقب الانتهاء من امتحان مادة الفيزياء والتاريخ حيث خرجت فتيات مدرسة الفواطم الثانوية بمنطقة وسط الإسكندرية والصراخ يعلو فى جميع أنحاء المكان وأولياء الأمور إصابتهم حالة من الفزع لم يشهدون من انهيار كامل لأبنائهم.
وقال أحد أولياء الأمور وهو في حالة فزع لما حدث لابنته "منهم لله بيجربوا فى أبنائنا مش كفاية امتحان الإنجليزى لا وكمان الفيزياء والوزير يصرح ويقول إن الامتحان فى مستوى الطلاب إزاى وفين ده البنات طالعه كلها منهارة مفيش حد بيقول ان الامتحان كويس أو فى مستوى الطلاب".
وقالت رانيا طالبة بالمدرسة وهي فى حالة بكاء شديد "هو بيعمل فين ليه كده ده مش امتحان ده أنا مش فاهمه ده إيه ولا عارفه الحل إلى أنا حليته صح وله غلط امتحان الفيزياء مش مفهوم بجد والله ما عارفه أن كان فى مستوى الطلاب المتفوقين أو المتوسط مش عارف حاجة خالص"
وقالت أم إحدى الطالبات وهي فى حالة بكاء: "ان اللى بيحصل فينا ده كتير اوى بجد حرام احنا طول السنة مصاريف وفلوس ودروس وفى الاخر امتحانات محدش فاهمه ليه كده محدش بيتقى الله فى الطلاب ليه بجد انجليزى ودرجات راحت فيه وكمان الفيزياء".
وأكدت طالبة أخرى أن "الغش حاجة فظيعة جدا يعنى مش كفاية صعوبة الامتحانات لا وكمان المراقبين سايبين البنات تغش عادى مش بيدخلوا بيكتفوا بالمشاهدة احنا نعمل ايه بس حد يشوف لنا حل مستقبلنا بيضيع".
جدير بذكر أن عدد طلاب محافظة الإسكندرية 42376 طالبا قاموا بأداء امتحاناتهم فى 130 لجنة امتحانية ويتقدم للشعبة الأدبية 18764 طالبا وشعبة العلوم 14133 وشعبة الرياضيات 9479.




اقرا ايضا

التعليم تحذر الفتيات: تعامل صارم مع طالبات الثانوية خلال الامتحانات القادمة