برلماني يطالب بإلغاء العلاج على نفقة الدولة وتطبيق التأمين الصحي الشامل

قال الدكتور أحمد العرجاوى، عضو مجلس النواب عن دائرة مركز أبو حمص وإدكو بمحافظة البحيرة، وكيل لجنة الشؤون الصحية بالبرلمان، تعليقًا على إعلان مساعد نائب وزير المالية، بضخ 1.1 مليار جنيه لميزانية العلاج على نفقة الدولة، إنه من الأفضل ضخ هذا المبلغ للتأمين الصحى الشامل بدلا من العلاج على نفقة الدولة.
وأضاف وكيل لجنة الشؤون الصحية بالبرلمان، فى تصريحات خاصة ل"صوت الأمة": "بدل ما يضخ الفلوس دى للعلاج على نفقة الدولة، يضخها للتأمين الصحى الشامل ويريحنا إحنا محتاجين حاجات كلها بسيطة، ونبدأ بقانون التأمين الصحى الشامل، وبالتالى هنلغى العلاج على نفقة الدولة اللى انت مش قادر تحكمها بالظبط، ومين المستفيد منها، والإجراءات بتاعتها مهما كانت غير محكمة، يعنى بتتفاوت من مكان لمكان".
وتابع: "قرار العلاج على نفقة الدولة لا يستفيد منه المواطن البسيط اللى محتاجه أكتر من المواطن اللى مش محتاجه، لكن قانون التأمين الصحى الشامل هيعالج كل المواطنين فى وقت واحد، أنت دلوقت بتقول عندك 50 مليار، وأنت ناقصك 40 مليار، طب ما تجمع كل الفلوس دى وتدخلها وتبدأ فى قانون الصحى الشامل".
وأكد وكيل لجنة الصحة بمجلس النواب، أنه لو وافق البرلمان على قانون التأمين الصحى الشامل، لن نحتاج إلى العلاج على نفقة الدولة، وكل شخص سيؤمن عليه وفقًا للقانون.
وأشار النائب أحمد العرجاوى، إلى أن العلاج على نفقة الدولة يعالج المواطن من الأمراض التى لا يقدر على علاجها، قائلًا: "أنا مواطن من حقى على دولتى أنها تعالجنى على نفقتها مجانا زى التعليم، ده فى أمراض وأدوية معينة لا تخضع للعلاج على نفقة الدولة".