غلوشيات رمضانية #20 رمضان.. يكتبها عبدالله غلوش: الأسطورة.. لما الأسطورة يسوق كابورليه ويسمع أغاني حب وفراق ويقعد يعيط في الشارع تامر حسني يعمل ايه؟.. القيصر.. كل يوم بيخسر مشاهدين جدد

#20رمضان
-اخره عتق من النار.
-اللهم بلغنا ليلة القدر.
-رمضان رمضان صبحي ومحمد رمضان.
-الأسطورة .. معنديش اعتراض بعد موت رفاعي ، ان ناصر يحلق شعره ويعمل دقنه زي أخوه ، لكن نبره صوته تبقي نفس نبرة صوت رفاعي هو كمان، طب ليه وإزاي؟
-الأسطورة .. لما الأسطورة يسوق كابورليه ويسمع أغاني حب وفراق ويقعد يعيط في الشارع، تامر حسني يعمل ايه؟
-الأسطورة .. ريم مصطفي ودارين حداد، بعد سارة سلامة وميريهان حسين في "ابن حلال"، وكأن الهوت شورت حصري في الدراما علي مسلسلات محمد رمضان فقط.
-اول 3 صفوف ب 1000 جنية واخر 3 صفوف ب 100 جنية.. أسعار تذاكر مسرحية محمد رمضان في العيد.
-أفراح القبة.. أول مسلسل puzzle في تاريخ الدراما المصرية.
-أفراح القبة.. خناقة محمد الشرنوبي وإياد نصار علي المسرح، الأفضل بين كل حلقات المسلسلات الرمضانية اليوم.
-جراند أوتيل.. مش عارف ليه المسلسل قلب فجأة علي the bold and the beautiful.
-القيصر.. كل يوم بيخسر مشاهدين جدد.
-مأمون وشركاه.. من كل فيلم اغنية، سفارة في العمارة بس المرة دي في الفيللا ، حمزة العيلي نجح في الإسلامي المتشدد في فيلم "اكس لارج" يبقي اجيبه يعمل نفس الدور ، طاهر أبوليلة عمل شغل حلو وسمع مع الناس لما كان مع محمد امام في السجن بفيلم "كابتن مصر"، مفيش مانع نجيبه هو كمان يعمل نفس الدور.
-سقوط حر .. بصراحة مبقتش عارف نيللي كريم مريضة نفسيا ولا واحدة من البنات الخمسة اللي كان راكبهم عفريت في الغربية وريهام سعيد عاشت عليهم فترة.
-كل ما تبتدي تزهق من رمضان ، افتكر ان شوبير وكل برامج التوك شو هاترجع مرة تانية أول ما يخلص.
-الخانكة.. سبحان الله مفيش حلقة ظهرت فيها ميريهان حسين وهي بتقدم برنامجها من الحلقة الثالثة حتي الان، إلا ولازم المخرج يتبعها بصور للناس من نفس الكافيهات ويكونوا لابسين نفس الهدوم وبيشربوا نفس الطلبات.. لو معندكش وقت تصور كادرات تانية مع مجاميع تانية، يبقي مالهاش لازمة أجيب ردود أفعال الناس في الشارع أحسن.
-وعد.. كلاكيت تاني مرة، عيب لما مي عزالدين تكتب علي التتر ان مسلسل منحوت من اكتر من 3 مسلسلات تانية انه فكرتها.
-المشكلة اني مشوفتش واحد مسمي ابنه عاطف، وبعدها يسمي بنته بسنت.
-هي ودافنشي.. لا سني ولا صحتي يسمحولي استهلك دماغي في التفكير مع قصة المسلسل المعقدة أكتر من كده.
-يورو 2016.. اكبر غلطات الإتحاد الأوروبي لما عمل البطولة من 24 فريق.
-اللي يشوف مشكلة وائل وأيمن وشادي اللي ابوهم ساب لهم فيلا بجنينة واحدة ، تهون عليه مشكلة حسين فهمي اللي مش لاقي كومباوند واحد يتلم فيه مع اصحابه.
-نيللي وشيريهان.. أول مرة حسن الرداد يظهر في عمل مع ايمي سمير غانم ومايخطوبهاش.
-نيللي وشيريهان.. واضح إن في حد اقنع حسن الرداد دمه خفيف في إعلان "عبور لاند" ، فقرر يكرر نفس الأومليت في حلقة النهارده.
-نيللي وشيريهان.. أفضل مسلسل ممكن تتفرج عليه من غير ما تبقي مجبر تتابعه كل يوم.
-أسعار الكحك.. ساليه سوكريه من 70 ل 110.. العبد من 55 ل 90 .. لابوار من 85 ل 140 .. DUKES من 80 ل 140 .. بسكومصر من 58 ل 83 .. لوكرنفال من 80 ل 140.
-المغني.. أصدق مثال علي مقولة "ربنا مابيديش البني أدم كل حاجة".
-جارة مصطفي شعبان اتخطفت من فيلتها في ماونتن فيو "ابوالبنات"، ويسرا قتلت جارها الدكتور النفسي في "بالم هيلز" .. ونعم الدعاية الحقيقة.
-سهر الصايغ متضايقة ان جوزها هايتجوز عليها في "يونس ولد فضة" ومعندهاش مانع تتجوز واحد علي مراته في "وعد".
-نجوم الثلث الثاني من رمضان:
أفضل قناة:
1-mbc مصر
2-النهار
3-Cbc
4-Mbc مصر 2
5-Ontv
أفضل برنامج:
1-الصدمة
2-قمرة
3-فن الحياة
4-القاهرة اليوم
5-الشيف ومفيدة
أفضل محطة إذاعية:
1-نغم fm.
2-الراديو 9090.
3-نجوم fm.
4-شعبي fm.
5-راديو مصر.
أفضل مسلسل:
1 – فوق مستوي الشبهات
2- الأسطورة
3- جراند اوتيل
أفضل مسلسل كوميدي:
1 – بنات سوبر مان
2- نيللي وشيريهان
3- يونس ولد فضة
أفضل ممثل:
1 -يحيي الفخراني "ونوس"
2-خالد النبوي " 7 أرواح"
3-عمرو سعد "يونس ولد فضة"
أفضل وجه جديد:
1-أحمد عبدالله محمود "الأسطورة"
2- محمد طارق "الخانكة"
3-عمرو إمام "يونس ولد فضة"
أفضل ممثل دور ثاني:
1-مصطفي خاطر "نيللي وشيريهان"
2-محمد الشرنوبي "افراح القبة"
3-أحمد فهمي " الميزان"
أفضل ممثلة:
1-يسرا " فوق مستوي الشبهات"
2-صابرين " أفراح القبة"
3-أنوشكا " جراند أوتيل"
أفضل ممثلة وجه جديد:
1-هند عبدالحليم " فوق مستوي الشبهات،بنات سوبرمان"
2-جيهان خليل "الخانكة"
3-هنا الزاهد "مأمون وشركاه"
أفضل ممثلة دور ثاني:
1- حنان مطاوع " ونوس"
2- دينا الشربيني " جراند اوتيل"، فردوس عبدالحميد "الأسطورة"
3- ريهام حجاج "يونس ولد فضة".
أفضل صورة مؤثرة في الأحداث:
1-سمير غانم "نيللي وشيريهان".
2-عبدالله غيب "الأسطورة".
3-صلاح السعدني "ليالي الحلمية 6"
أفضل سيناريست:
1- محمد رجاء "فوق مستوي الشبهات"
2- محمد عبدالمعطي "الاسطورة"
3- تامر حبيب "جراند اوتيل"
أفضل مخرج:
1-محمد ياسين "افراح القبة"
2- محمد شاكر خضير "جراند اوتيل"
3-طارق رفعت " 7 أرواح"
أفضل أغنية تتر:
1-بوسي "الخانكة"
2-كارول سماحة "وعد"
3-لطيفة "كلمة سر"
أفضل مهندس ديكور:
1- محمد عطية " افراح القبة".
2-محمد سامي " الأسطورة"
3-كريم مهدي "المغني"
أفضل موسيقي تصويرية:
1- امين ابوحافه "ونوس"
2-امين ابوحافه "جراند اوتيل"
3-تميم " ابوالبنات"
أفضل تصميم تتر:
1-راس الغول
2-ونوس
3-بنات سوبر مان
أفضل مدير تصوير:
1-هيثم حسني "القيصر"
2- جلال الزكي "الأسطورة"
3-احمد المرسي " افراح القبة"
أفضل تصميم ملابس:
1- ياسمين القاضي " جراند اوتيل"
2- مونيا فتح الباب " افراح القبة"
3- عبير الانصاري " وعد "
افضل إعلان:
1-فريش
2-تكنو موبايل
3-زبادي ميكس
أغنية إعلان:
1-اصالة "اتصالات"
2-سعد المجرد "زين"
3-احمد فهمي، أكرم حسني " orange مارينا"
4- ربنا يرحمك يا امي ويرحم امهاتنا جميعا ويخلي امهاتكم يارب.