وجهت الإعلامية ريهام سعيد عبر حسابها الضخصى بموقع"فيسبوك"على الحلقة الثامنة من مسلسل "الخانكة"، بطولة الفنانة غادة عبد الرازق، قائلة :" يا استاذه ميريهان حسين ..يا استاذ مخرج مسلسل الخانكة انتوا لو قاصدين تعملوا قصة حياة ريهام سعيد ..مش هتحبكوها كده !!!! . وتابعت:" حد يفسر لي اللي حصل في حلقة انهارده ده اللي حصل بإختصار : واحدة من الاعداد بتاع البرنامج بتاع اللي المفروض اسمها المذيعه نور في المسلسل داخلة تقولها ايه الصور دي اللي عرضتيها دي ملهاش علاقة بالقضيه تقوم المذيعه قايله لها مش دي اللي قاعدين يقولوا عليها مظلومه خلي الناس تشوف حياتها الخاصه عامله ازاي !! تقوم البنت المُعده قايلها لها بس دي صور خاصه ملهاش علاقه بالقضيه حرام كده ،وهكذااا يستمر الحوار مع المُعده الطيبه والمذيعه الشريره . وتابعت، طب ما كنتوا طلعتوا غادة عبد الرازق اسمها #سميه_عبيد وطلعتوا ميريهان حسين اسمها ريهام سعيد اسهل !! من اللف والدوران ده كله !!.. ده غير طبعاً التفاصيل اللي بتعملها ميريهان حسين طول الوقت اللي بتقول بيها انا ريهام سعيد اهوه !!..انتوا عايزين توصلوا لايه من اللي بتقدموه ده !!!؟ عايزين تحشوا دماغ الناس بأيه !؟ ..ايييييه كفاااااايه بقى ما تسيبوا الست في حالها شوية هي أذتكوا في ايه ..ده اسمه برمجة لعقول الناس عشان تقوم الناس وهي قاعده في البيوت تقول : اااه بص ده شبه بظبط ما ريهام سعيد عملت مع البت بتاعة المول هو الاعلام ده كذى كذى كذى ..دول بس يهمهم الفلوس والشهره وتقعد الناس تردد ام الاسطوانه المشروخه دي !!!! ..وده already اللي حاصل في تعليقات الناس سواء عالانستجرام او عالفيس قاعدين يشتموا ويقولوا ده زي ما ريهام سعيد عملت بظبط ، حراااااام بقى كفاياكوا ! ..حسبي الله ونعم الوكيل".
