بالفيديو.. عمرو أديب عن إسراء الطويل: «الرحمة فوق العدل»

أعرب عمرو أديب عن استيائه من قرار استمرار حبس إسراء الطويل، 45 يومًا على ذمة التحقيقات، قائلًا: "الرحمة فوق العدل".
قال أديب، مقدّم برنامج "القاهرة اليوم" المذاع على قناة "اليوم"، اليوم الثلاثاء: "في ناس بتغلط، وفي ناس بتقتل وبتحط قنابل، دول أنا مش عايزلهم رحمة دول عايزين العدل معاهم، بس لما يكون بت عندها 18 سنة وقعيدة وبتتعالج بقالها سنة في رجليها كانت واخدة رصاصة فيها، وكل تهمتها الانضمام إلى جماعة الإخوان.. البنت متحمسة في بداية حياتها، شغالة يا سيدي منك ليه في الجزيرة، طيب حاكموها على طول بدل ما تجدودلها كل شوية كده، إسراء الطويل دلوقتي بقت رمز؛ ايه الشيء اللي عملته خطر، طبعًا لا اعتراض على قرار النيابة طبعًا".
تابع أديب: "فين جمعيات حقوق الإنسان تضغط شويه عشان البنت دي يإما تطلع يا تتحاكم، قارفينا في عيشتنا بس وتقارير وبلاوي سودة على دماغهم، هو انتوا في القبض بس كويسن، البت منهارة، دي لو خرجت محدش يلومها بقى لو عملت حاجة، يعني الناس التانية تخرج عشان وراها دول والبت الغلبانة دي متخرجش".