الجارحي: «جيش المخابيل والدروايش وراء فوز الأهلي»

أعرب محمد جمال الجارحي مرشح عضوية مجلس إدارة النادي الأهلي السابق عن سعادته الكبيرة بفوز الفارس الأحمر على سيوي سبور 1/0 في كأس الاتحاد الافريقي "الكونفدرالية" والتتويج باللقب.
وقال الجارحي عبر صفحته الشخصية على موقع التواصل الاجتماعي "فيس بوك".
"عاوز تعرف الأهلي بيكسب ازاي ف آخر ثانية كل مرة ؟
الأهلي مبيكسبش بالحظ
الأهلي بيكسب بجماهيره المؤمنة بالانتصار . الأهلي بيكسب بلعيبته اللي مهما اختلفت اسمائهم روح الفانلة الحمرا بتخليهم أفضل ..الأهلي بيكسب بادارته الهادئة المستقرة اللي مهما اختلفت معاها متقدرش تنكر الاستقرار اللي محققاه .. الأهلي بيكسب لأن عنده جيش من المخابيل والدراويش و العاشقين اللي عايشين عشانه .
الاهلي علمنا نحب الحياة
وعشانك الأمل يعيش
دولة جوة دولة اهلاوية عريقة ..أصله ياما فرح شعبه ليلة سعيدة
كل الجمل دي وغيرها مش كلمات ف اغاني دي حقيقة وواقع .
شكرا يا أهلي ع الفرحة في بلد لا تعرف الفرحة."
ويذكر أن الأهلي أول فريق مصري يحقق الكونفدرالية تحت المسمى الجديد، وسيواجه الفارس الأحمر وفاق سطيف الجزائري في السوبر الأفريقي.