لو كنت متابع معرض CES 2015 الاخير,يبقى اكيد سمعت عن موبايل "لامبورجيني". ممكن نعتبره من اوحش الموبايلات اللي هتشوفها في حياتك , ومع ذلك سعره غير واقعي بالمرة, الموبايل تمنه 6,000 دولار , مما يعدل 46,800 جنيه مصري .بالمبلغ ده هتكون اشتريت أسوء و اوحش موبايل . لو الفكرة كانت عدت على بالك , أو كنت بتفكر تعمل حاجة زي دي , عندك ! احنا جايين ننقذك من الافكار المدمرة دي .. في حاجات تانية كتير ممكن تعملها بالمبلغ ده بدل ما تشتري موبايل مالوش لازمة ... 1- ممكن تنزل اسبوع كامل في فندق Plaza في نيويورك أنت و حد كمان ده الفندق اللي كان قاعد فيه "كيفين " في فيلم Home Alone 2 , و برده الفندق اللي Anne Hathaway و Kate Hudson كانوا مبهدلين بعض في فيلم Bride Wars عشان يعملوا فرحهم هناك . حاجة فخمة يعني 2- ممكن تشتري تذكرة طيران "حول العالم " دي تذكرة طيران من شركات طيران معينة بتديك امكانية حجز تذكرة طيران ل 10 اماكن مختلفة أنت تختارها , سعرها ممكن يبدأ من 35,000 جنيه مصري, ده معناه ممكن يفضل معاه 10,000 تانيين ممكن تعمل تصرفهم في السفرية 3- تدفع مصاريف منحة دراسية لو أنت بتحاول تجيلك منحة دراسية برة عشان تكمل دراستك أو تعمل ماجيستير مثلا بس الحظ مش محالفك والتكاليف عالية قوي , ثمن والموبايل ده ممكن يكفيك تدفع مصاريف سنة في جامعة اوروبية , واحتمال يفضلك منهم شوية كمان تكمل بيهم مصاريفك الشخصية والمعيشة . 4- ممكنة تشتري 6 موبايلات جلاكسي نوت 4 احدث موبايل من سامسونج سعره في المحلات 6,500 جنيه مصري , وعلى فكرة ممكن تعرف تجيبه ارخص كمان في محلات مختلفة . 5- ممكن تشتري كاميرا Canon 5D MarkIII بالعدسات و معدات التصوير وتبدأ تبقى "فوتوجرافر" و تعمل شغل و تكسب فلوس كمان 6- ممكن تدفع مقدم عربية أو تشرتي سوزيكي ماروتي 7- تدفع مصاريف السنة لابنك لو هو في مدرسة اينترناشيونال , أو كذا سنة لو مدرسة لغات , أو مصاريف التعليم كلها بالجامعة لو مدارس حكومية 8- ممكن تشتري تليفيزيون Sony XBR65X900B 65 بوصة, 4K, Ultra HD . ثمنه 40,800 جنيه مصري هو آه طبعا رقم كبير على تليفيزيون لكن هو تليفيزيون فوق الوصف , حاجة فخمة برده زي الفندق في رقم 1 9- ممكن تشتري 3 لابتوبات MacBook Pro ب 256 GB
مش واحد ولا اتنين , ثلاااااثة 10 - ممكن تعمل في البيت اوضة للعب ال Playstation و تجيب SoundSystem أو Home Theater 11- ممكن تشتري مطبخ من ال "أ" ال "ي" للي بيحبوا يطبخوا و يعملوا اخترعات في المطبخ 12- تشتري اوضة كاملة من IKEA المكان أصلا مسلي إنك تروحه , بس اكيد هيبقى أحلى أما تسهري اوضة , أو ممكن تشتري عدد لا بأس به من اكسسوارات البيت 13- ممكن تأجر شقة في حي الزمالك في القاهرة بالفرش لمدة شهرين حاجة لطيفة جدا 14- ممكن تحج أو تعمل عمرة امين يا رب 15 - ممكن تبتدي مشروع صغير أي ان كان مشروعك , سواء بتعملي اكسسوارات يدوية , أو حاجة ليها علاقة بالاكل ,أو أي فكرة في بالك ممكن المبلغ ده يكون بداية مش
