اتحاد المستثمرين: يمكننا توطين صناعة ورق الفويل ومستحضرات التجميل والشكولاته

قال المهندس علاء السقطي رئيس اتحاد مستثمري المشروعات الصغيرة والمتوسطة، إنه يتم استيراد بعض المواد والمنتجات التي تكلف الدولة ملايين الدولارات، علمًا بأن هذه المنتجات يمكن تضنيعها في مصر.
وأضاف خلال مداخلة هاتفية مع الإعلامية فاتن عبد المعبود ببرنامج «صالة التحرير»، والمذاع على قناة «صدى البلد»، اليوم السبت، أنه لابد من وجود فرص استثمارية لتحفيز المستثمرين للدخول في توطين هذه الصناعات.
وأشار إلى تصريحات الرئيس عبدالفتاح السيسي خلال افتتاح محطة صعيد مصر ببشتيل عن استيراد منتجات مثل ورق الفويل ومستحضرات التجميل والشكولاته، مشددا على أن كل هذه المنتجات يمكن توطين صناعتها داخل مصر.


وكان الرئيس السيسي، علق على التكلفة التي تكبدتها الدولة المصرية في الفترة ما بين 2014 و2023 لاستيراد مجموعة من المنتجات.
وقال ضمن فعاليات افتتاح محطة قطارات صعيد مصر، اليوم السبت: «الناس اللي شغالة في المجال النهاردة بتستسهل، بدل ما يصنع المنتج في مصر ويدخل في متاهات مع أرض وتمويل ونقل تكنولوجيا من الخارج لإنتاج المنتج، يقول أشتريها أسهل، والدولة محاولتش تشتغل بجدية وصلابة وصرامة».
وأضاف: «ده كلام بقوله عشان نعرف إن الحلول في إيدنا إحنا كمصريين ورجال أعمال، أمامنا فرصة عمل لإنتاج هذه المنتجات داخل مصر وبيعها وزيادة الناتج المحلي ويمكن فيها شوية ضرائب للدولة، يا ترى ده أسلم ولا نستوردها من برا؟!».
ونوه إلى أن تكلفة استيراد السيارات من الخارج 25 مليار دولار، مستنكرًا: «يعني معقول مش قادرين نخلي شركات السيارات تنتج سيارات عندنا تكفي الطلب المحلي، ونستورد برضه نسبة بس مش كله».
واستطرد: «لو عاوزين تتجاوزوا التحدي بتاع الدولار لازم هذه المنتجات ونسبة كبيرة منها يتم تصنيعها في مصر، وده أمر مش سهل، لكن إحنا مدعمين الحكومة بكل الدعم لخروج تلك المنتجات أو جزء منها في أقرب فرصة».
واختتم: «في حاجات لما تسمعوها تقولوا ياه بنجيب عطور وحاجات من هذا القبيل ومش قادرين نعملها في مصر، مش عارفين نبني مصانع تعمل شوكولاتة للناس؟».