سعد الصغير ينعى أحد أفراد فرقته الموسيقية: هتوحشني يا روسيا

أعلن المطرب الشعبي سعد الصغير، عن وفاة أحد أعضاء فرقته الموسيقية، صباح اليوم الأحد، عبر حسابه على موقع "فيسبوك".
وكتب سعد: "إنا الله وإنا إليه راجعون، ربنا يرحمك يا روسيا.. ياريت كل حد عندي يدعي له، محمود روسيا ابني وصاحبي وأخويا وقصه كفاح معايا، أنا ومحمد أخويا، الله يرحمهم يارب.. ياغالي في الجنة.. يا حبيبي هتوحشني يا روسيا.. ربنا يرحمك يا غالي يارب".
وكشفت برلنتي عامر، زوجة الفنان سعد الصغير، حقيقة انفصالها عن المطرب الشعبي، خلال الفترة الماضية، بعد اكتشافها لخيانته المستمرة.
وقالت خلال لقائها مع برنامج "قعدة ستات"، على شاشة "القاهرة اليوم": "اكتشفت خيانة سعد، لأننا منزلين أبلكيشن عند بعض وبشوف كل يوم بيروح فين، ولقيته في مكان في حدائق الأهرام، وعرفت أنه بيقابل واحدة معرفة ولكن مش صاحبتي، وقابلتني من 3 سنين قالتلي هخطف منك سعد، ومازهقتش وفضلت وراه، ولما عرفت كلمتها اتصدمت في سعد نفسه إزاي يعمل كدا وهو من 3 سنين كان بيشتم عليها وعملها بلوك".
وردت برلنتي عامر على الانتقادات التي طالتها بسبب تشهيرها المستمر بزوجها سعد الصغير، قائلة: "الناس مش طمعانة في سعد الصغير علشانه هو لا علشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات وماكنتش أعرف أن سعد يعمل كدا وينزل مستواه".
كما أكدت برلنتي عامر، أنها لم تنفصل من زوجها سعد الصغير، قالت: "ما اتطلقناش رسمي وأنا كتبت على فيسبوك انفصال ولكن هو مأعلنش، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، ولكن أما أتجوزنا قالي رجعتي سعد الصغير لمجده تاني".