عمرو أديب عن مكالمة عادل إمام: شريف عامر مكنش عاوز يبقى بايخ

علّق الإعلامي عمرو أديب، على الجدل الذي أثير في أعقاب المداخلة الهاتفية التي أجراها الفنان عادل إمام مع الإعلامي شريف عامر، في يوم عيد ميلاد الزعيم.
وقال أديب خلال برنامجه «الحكاية» على قناة «mbc مصر»، مساء الجمعة: «المذيعين نوعين واحد بيحسب الكلام بشكل دقيق ونوع مش بيحسب حاجة خالص.. لا ده صح ولا ده غلط".
وأضاف أن المكالمة كانت بالصدفة البحتة (أجريت وقت احتفالية عيد الميلاد بحضور عدد من الفنانين)، معقبا: «أنا مكلمتش شريف لكني عارف هو فكر إزاي.. هو فكر إنه مش عاوز يضغط على الراجل.. شريف مكنش عاوز يخليه يقول حاجة مش حلوة».
وتابع: «الموضوع مش إن شريف مش عارف يسأله.. شريف كان مقدّر إن الراجل داخل معاه يوم عيد ميلاده ومقدر إن مكنش عاوز يضايقه.. فيه مذيع تاني مش بيحسبها.. شريف حسبها إنه مش عاوز يبقى بايخ معاه ولا تحصل أي حاجة.. الشغل أنواع، كل واحد له طريقة".
واستطرد أديب: "شريف قرر يبقى ظريف ولطيف وإنسان.. شغلتنا دي جزء من واحد من جزء من الثانية.. وأنا بتكلم المفروض أكون بتكلم بشكل واعي والجمل صح ومبوظش الدنيا ومغلطش . شغلتنا مش سهلة".
وفوجئ الإعلامي شريف عامر، بمداخلة من الفنان عادل إمام على الهواء، وذلك خلال تقديمه لبرنامج «يحدث في مصر»، المذاع عبر فضائية «MBC مصر»، مساء الأربعاء.
وأجرى «عامر» مداخلة هاتفية مع الفنانتين لبلبة ويسرا، للحديث عن عادل إمام، طالبًا من يسرا أن تنقل للزعيم تحياته وتهنئته له لمناسبة عيد مولده ال83.
وقررت لبلبة مفاجأة الإعلامي خلال مداخلتها الهاتفية، وقررت منح الهاتف إلى الزعيم، الذي فاجأ «عامر» بقوله: «أنت بتضحك ليه إحنا لسه قلنا حاجة».
وقال الإعلامي إنه يضحك؛ بسبب وجود عادل إمام في حياة المصريين، متوجهًا بالتهنئة له بمناسبة عيد مولده، ليعقب الزعيم: «وأنت طيب يا شريف».
وسأل «عامر» الزعيم عما إذا كان يعرف قيمته عند الجمهور، ليرد عادل إمام: «قول لي أنت قيمتي عندكم».
وأوضح الإعلامي أن عادل إمام السبب في تعلم بناته اللغة العربية، فضلًا عن أنه كان حريصًا على الحصول على إجازات من أجل حضور أفلام من بطولة الزعيم، ومازحه الزعيم بقوله: «عاوز تقول لنا إنك ابن ناس وبناتك خواجات مش بيتكلموا عربي».
وأكمل الإعلامي: «فضلك في اللي بيتكلموا عربي، إن الشخص يضحك ويبتسم لما يسمع اسم عادل إمام ووجودك معانا ده أمر نحمد ربنا عليه، شكرا جزيلا وكل سنة وحضرتك طيب، كل سنة وإحنا طيبين بعادل إمام من المحيط إلى الخليج».
https://fb.watch/kDCX2BzNZH/