زوجة حسن شاكوش عن سجودها في الفرح: اللي مع ربنا مش بيشغله حد.. ومعرفش يعني إيه تريند

قالت ريم، زوجة مؤدي المهرجانات حسن شاكوش، إنها تعرضت لأكثر من محنة قبل خطبتها ل«شاكوش»، مشيرة إلى أن الأمر دفعها للمواظبة على صلاة قيام الليل.
وأضافت خلال لقاء لبرنامج «العرافة»، الذي تقدمه الإعلامية بسمة وهبة عبر فضائية «المحور»، مساء الاثنين، أنها فوجئت بحديث والدتها معها حول اعتزام مؤدي المهرجانات خطبتها، قائلة إنها بعد ذلك قررت السجود شكرًا مرتين لله بعد قيام الليل.
وعن سجودها يوم الفرح، عقبت: «كان صعبان عليا أوي إني ملهية في موضوع الفرح ومبصليش، وكان بقالي أسبوعين قبل الفرح مش مركزة غير إني أثبت للناس إن ربنا بيعوض ومفيش حاجة اسمها تتظلمي وربنا ميديكش حقك».
وذكرت أنها ركزت على السجود لله يوم الفرح دون اكتراث لطلتها، مضيفة: «لو سجدت قدام حسن كنت هشيله الذنب، لكن ولا أهلي ولا أهل حسن ولا أصحابي عارفين اللي بيني وبين ربنا، وكان لازم أبين للناس إن في ربنا وتعويض».
ولفتت إلى أنها أخبرت إحدى المقربات منها باعتزامها السجود قبل بدء الفرح، مضيفة: «مكنتش قادرة أتنفس ومش مرتاحة مش مركزة غير أعمل ده، وصاحبتي قالت لي هتتبهد لي، لكن قلت لها مش هحضر الفرح غير كده».
وأكملت: «مركزتش مع حد وبعد ما قمت أنا ارتحت وأخدت نفسي، اللي مع ربنا مش بيشغله حد، أنا مش شيخ لكن أنا بحب ربنا وأحب أقرب منه، حتى لو مش ديمًا برجع له، دي حاجة مينفعش أعمل بيها شو».
واختتمت: «أنا مش واحدة جاهلة ومخي واقف عشان حسن يجي يقول لي ريم أسجدي، كده كده الفرح هيطلع تريند ده حسن شاكوش، مكنتش محتاجة ولا في دماغي أصلا، معرفش يعني إيه تريند».