كريم العدل عن الهجوم على منى زكي: الناس بقت بتحمل الفن والدراما فوق طاقتهما

رد المخرج كريم العدل، على الهجوم والانتقادات التي تتعرض لها الفنانة منى زكي، فور طرح البوستر الرسمي لمسلسل "تحت الوصاية"، المقرر عرضه في موسم رمضان 2023، مشيرا إلى أن الجمهور أصبح يحمل
واختار "العدل"، أحد المنشورات والتي تتهم فيه صاحبته، منى زكي بالمريضة النفسية التي تحتاج لعلاج، وكتب عنه: «دي تويتة وقعت قصادي بالصدفة.. بس الموضوع ده غريب جدا والله».
وتابع: «يعني أولًا الجمال ده شيء نسبي.. لو إنتِ شايفة أن منى زكي كده وحشة، فدي رؤيتك إنت.. أنا ممكن أشوفها حلوة عادي.. هي يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش وأصلع، كانوا بيعملوا كده علشان عايزين يقولوا إن فيه فئة معينة شكلها وحش؟!.. مش منطق أبدًا والله».
وأضاف: «ثانيًا، أنا حقيقي مش فاهم إيه علاقة التعليم بالموضوع عامة!!، ثالثًا، هل ده معناه إن كل المحجبات قمرات ومافيهومش ولا واحدة وحشة؟، مش منطقي.. وتاني نرجع نقول ده شيء نسبي يختلف من شخص للتاني، رابعًا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل.. أصلًا بقى.. بجد الناس بقت بتحمل الفن والدراما فوق طاقته».
واختتم كريم العدل: «بياخدوا كل حاجة بشكل شخصي جدًا.. وطول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة السم في العسل.. استهدوا بالله كده يا جماعة بجد».