تامر حسني يستجيب لحملة دعم مرضى ضمور العضلات: عندي فكرة مش هتخلي أي مريض في مصر يمد ايده

استجاب الفنان تامر حسني، لمناشدة الشاب حسين الجهوري؛ لدعم مرضى ضمور العضلات من خلال تبني مزاد الخير لتيشيرت الطفلة رقية، لعلاج أطفال آخرين، خلال برنامج حديث القاهرة المذاع عبر فضائية القاهرة والناس.
وكتب تامر حسني عبر حسابه الشخصي بموقع انستجرا، قائلا: «يا حسين يا حبيبي أنا معاك وبدعمك وبدعم حملتك الإنسانية السامية وسلامي لصديقي وحبيبي أستاذ خيري رمضان، وعندي فكره أتمنى رعايتها ودعمها من أجل كل مريض.. فكره مش هتخلي مريض واحد في مصر يمد إيده لحد، لو مليون مصري اشترك فيها هنحل أزمة الأمراض المكلفة في مصر كلها، مليون مصري بس من 120 مليون مصري هيتطوعوا على حساب معين للتبرع وهيكون في لجنة مسؤولة من جهة رسمية في الدولة بتقيم الحاله ماديا».
وأضاف: «المليون مشترك دول هيكونوا بيتبرعوا بشكل دائم كزكاة عنهم وعن أولادهم لخدمة مجتمع كامل، وممكن نسميها مثلاً صفحة المليون أخ، كل ما تظهر حاله محتاجة رقم صعب الصفحة هتدرسها وتعلن عن الحالة وتكلفتها، التبرع هيبقى في حدود من 20 جنيه ل40 حسب الحالة، بس ساعتها أول ما هنعلن هنجمع الفلوس في ثانية لكل المحتاجين، وكل المقتدرين اللي ربنا هينور قلوبهم».
وتابع: «وهيشتركوا في الحساب ده، مش هيحسوا إنهم دفعوا حاجة بس هينقذوا حياة أطفال كتير وناس كتير محتاجة، ومين عارف جايز الفكرة دي تخلي مفيش ولا واحد مريض في مصر مش لاقي يتعالج، وجايز المليون مشترك يكتروا».
وتابع: «والله والله والله دي فكرة بسيطة مش هتكلف حد، بس هتخدم ناس كتير هتخدم بلد هتخدم كل المحتاجين ونخليهم ميمدوش إيديهم لحد يكسفهم، ربنا خلقنا عشان نساعد بعض وزي ما علمنا رسولنا الكريم.. خير الناس أنفعهم للناس يعني ربنا بيحب الناس اللي بتنفع الناس وأي صدقة بتخرج من أي حد مستحيل تنقص ماله، بالعكس هيضاعفها ربنا في رزقه وهيكرمه ويطهره ويرفع عنه بيها يارب الفكره دي تتحقق».
جاء ذلك بعدما تبنت الفنانة وفاء عامر فكرة دعم الطفلة رقية المصابة بضمور عضلات الحبل الشوكي، وخلال ساعات تم جمع مبلغ 40 مليون جنيه ثمن حقنة العلاج، ومن المنتظر أن تخضع رقية للعلاج خلال أيام قليلة بعد إجراء الفحوصات الطبية.
View this post on Instagram
A post shared by Tamer Hosny (@tamerhosny)