رامز جلال عن سليمان عيد: بقاله 20 سنة بيقول إفيهات وينبوع لطافته لم ينضب بعد

وقع الفنان سليمان عيد، مساء اليوم الخميس، ضحية رامز جلال في الحلقة 20 من برنامجه «رامز موفي ستار»، الذي يُعرض عبر فضائية «MBC مصر» طوال شهر رمضان.
وبدأ رامز جلال تقديم الفنان، قائلا: «ظهر في الفترة الأخيرة جيل جديد من الكوميديانات اللي بيستسهلوا ومبيتعبوش على الإفيه، فاكرين خفة الدم بالساهل، واللي زي الناس دي بيفرقعوا بسرعة وبيختفوا بسرعة، مش زي النجم اللي جاي لنا النهاردا».
وأضاف عن الفنان سليمان عيد: «بقاله عشرين سنة بيقول إفيهات وينبوع لطافته لم ينضب بعد، الراجل ده مش موهوب وبس ده عامل زي السحلية؛ بيتلون وبيتغير ويتأقلم مع الظروف، لقى التيك توك مجنن الناس قال لا مبدهاش واقتحم عالم السوشيال ميديا وهو في أرزل العمر وأمرطنا بوابل من الفيديوهات أخرج فيها طاقة الكوميدية».
وتابع في وصف الضيف: «الحقيقة هو بدأ كويس لحد ما الفترة الأخيرة بدأ يهيس والعملية فرطت منه، عشان كده أنا جايبه النهاردا أعرفه غلطه وأرجعه على تراك الكوميديا السليم وفي نفس الوقت هوريه الجحيم»، مضيفًا: «معانا ومعاكم صاحب الفيديوهات الأشهر، الكوميديان الأشطر، المضحكاتي الأسمر سليمان عيد».
وتدور فكرة البرنامج هذا العام حول استضافة مجموعة من مشاهير الفن والرياضة، بعد خداعهم بتصوير إعلان أو مشهد في فيلم، ليتعرض الضحايا للعديد من المغامرات التي تصيبهم بالهلع، فهم يستقلون سيارة تجري بهم في الصحراء، وتقف فجأة على شفا بحيرة بها تمساح، ويظهر ثعابين صغيرة في يد رامز جلال الذي يرتدي قناعًا على وجهه، بمشاركة الفنان العالمي فاندام.
واشتهر رامز جلال بتقديم برامج المقالب في رمضان منذ عام 2011، فقدم في السابق برامج: «رامز قلب الأسد»، و«رامز ثعلب الصحراء»، و«رامز عنخ آمون»، و«رامز قرش البحر»، و«رامز واكل الجو»، و«رامز بيلعب بالنار»، و«رامز تحت الأرض»، و«رامز تحت الصفر»، و«رامز مجنون رسمي»، و«رامز عقله طار».