تسجيل الاختيار 3.. السيسي يحذر مرسي والشاطر والكتاتني من عدم الاستقرار وعرقلة الانتخابات

عرضت الحلقة 13 من مسلسل «الاختيار» تسجيلا للرئيس عبدالفتاح السيسي في جلسة حضرها محمد مرسي وخيرت الشاطر وسعد الكتاتني، خلال الفترة السابقة على انتخابات الرئاسة.
حيث بدا السيسي محذرا من تعطيل الانتخابات وإدخال مصر في حومة عدم الاستقرار، قائلا: لازم المعادلة الموجودة دلوقتي للرأي العام تتغير، فيه ناس كتير معجبة إنها بتتكلم، محدش طلع قال ما نراه الآن هو محاولة لعرقلة الانتخابات في مصر عشان ميتحققش الاستقرار في مصر.
وأضاف: أنا مش بدفع لحاجة واحنا ربنا سبحانه وتعالى هيحاسبنا على الكلام اللي إحنا بنقوله ده مع بعض.
وتابع: «إذا كانت الدولة بتقع مننا يا دكتور سعد وبنحجم عن إن إحنا نتكلم أو ناخد موقف عشان ده ميأثرش على مكانتنا أو دورنا السياسي.. مننا لله».
وعرضت الحلقة مشهدا تمثيليا جمع بين الفنان ياسر جلال، الذي يؤدي شخصية الرئيس عبدالفتاح السيسي والفنان صبري فواز الذي يؤدي شخصية مرسي.
وفيه قال السيسي محذرا مرسي: «سيادة الرئيس إحنا اتكلمنا كتير في الموضوع ده قبل كده بس واضح إن إحنا محتاجين نتكلم فيه تاني، المساس بالقوات المسلحة أمر غير مقبول ولن يكون مقبول بأي شكلة».
وأضاف أن القوات المسلحة التزمت الحياد طوال الفترة الماضية، فهي بعيدة عن المشهد السياسي بكل صراعاته، سواء كان نظام أو معارضة، متابعًا: «ياريت يافندم تطلعوا الجيش برا الخناقة دي».
وأكد أن الجيش المصري جيش وطني عظيم وصلب وصلابته تنبع من شرفه، مضيفًا: «إحنا نستحمل الحديد والنار لكن نتخدش من الكلمة ونجرح ونهان، والإهانة في العسكرية المصرية هي إساءة للكبرياء الوطني، مبنستحملهاش».
وتابع: «إحنا تحملنا كتير جدا طول السنتين اللي فاتوا، لأننا مبنشفش غير المصلحة العليا للبلد ولكل المصريين»، مواصلا: «رجاء ابعدوا الجيش عن خناقات السياسة، اللي بيحصل ده لازم يتوقف ودلوقتي».
واستكمل: «مفيش دولة محترمة جيشها بيتشتم، ده جيش مصر، وأنا مش هسمح أبدا بإهانته».