تامر حسني ينشر صور من كواليس فيلمه الجديد «بحبك»

شارك الفنان تامر حسني جمهوره بصور من كواليس فيلمه الجديد "بحبك".
وكتب حسني عبر حسابه على فيسبوك: "مساء الهنا على أغلى ناس على قلبي أنا، دي صور من أول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك وناس هتقراه بحبَك دا طبعاً مقصود عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في أحداث فعلاً محيرة جداً".
وتابع: "الفيلم أكيد فيه ضحك بس في إطار رومانسي بحت مش موجود بقاله كتير، اتشرفت بمشاركة نجمة اليوم والمستقبل الجميله هنا الزاهد ومبسوط إني أول من اكتشفها في بداية حياتها، وفي الفيلم دا بكتشفها تاني، وبقدمها بشكل جديد عليها وعليكم، ومبسوط جداً لمشاركة حبيب قلبي نجم الكوميديا الكبير حمدي المرغني، اللي هيعمل شغل رهيب في الفيلم كعادته الجميلة".
واستطرد: "للأسف لسه مصورش علشان انزل صوره بس في اول يوم تصوير له ههريه صور، وانتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير إن شاء الله، وفرحان جداً بانضمام الفنان الموهوب اوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه".
وأكمل: "الفيلم من إنتاج حبايب قلبي وأصدقاء العمر، سينرچي، أحمد بدوي، تي ايتش برودكشن حسام حسني، سكاي ليميت أحمد الدسوقي".