رسالة من وليد فواز لمحمد رمضان: الاعتذار من شيم الرجال

نشر الفنان وليد فواز، رسالة طويله عبر حسابه الرسمي على موقع التواصل الاجتماعي فيسبوك، وجهها لصديقه الفنان محمد رمضان، عقب الأزمة التي يتعرض لها الأخير بسبب انتشار صور له برفقة إسرائيلين، بخلاف فيديو يحمعه بهم في إحدى الحفلات بدبي.
وقال فواز في رسالته إلى محمد رمضان: "محمد إزيك فعلا واحشني، محمد رمضان الطموح الموهوب اللي قابلته في بداية الطريق، محمد اللي لما عمل إحكي يا شهرزاد قابلني في موقف الإسعاف وقالي فواز أنا نازل أشوف صورتي على الافيش (إحنا هنبقى نجوم جامدين يا له) بس اأنت الأجمد دلوقتي".
وتابع: "واحشني محمد اللي كان بييجي يتفرج عليا في مسرح الشباب ويبدد بحماسه وطاقته التي لا تنضب بالأمل أي شعور بالإحباط عند أي حد بيشوفه، محمد اللي واحشني هو محمد اللي في الصورة دي، أنا حابب أحط الصورة دي أكتر من أي صورة تانية ليك دلوقتي، لو الناس كلها قالت إنك إتغيرت ميخصنيش، لإني عارف اأنت مين وقد إيه كنت جدع معايا، محمد اللي أنت وصلتله ولسه هتوصله كمان فعلا تستاهله لإنك مميز وقبولك رباني".
واستطرد: "بس ااسمحلي يا صاحبي العنيد واللي أعرف عنه من زمان إن دماغه أنشف من الحجر، ولا يسمع إلا عقله فقط، اطلب منك أن تعيد النظر في االلي بيحصل عشان خاطر جمهورك الحقيقي "الناس البسيطة" والتي نصبتك ملكا متوجا على قلوبهم".
"الناس اللي شافت فيك الأمل، بص من منظارهم للحكاية، بعيدا عن أي مزايدات، فيه خطأ حصل وااللي حصل حصل وخلاص وأنت كبير وناضج وأب ورب أسرة وعارف ايه الصح وايه الغلط، لكن يا صاحبي الااعتذار من شيم الرجال ولا يقلل منك أبدا".
وأكمل: "فكر يا محمد عشان خاطر جمهورك الكبير وموهبتك، محبش أشوف واحد بحبه بجد يدفع تمن فاتورة كبيرة قوي هي أصلا مش بتاعته، محمد أنت ذكي جدا وهتعرف تقعد مع نفسك وتحط إيدك على الصح، ربنا يعديك من المحنة دي على خير، رفيق الرحلة فواز".
محمد إزيك فعلا واحشني... محمد رمضان الطموح الموهوب اللي قابلته في بداية الطريق... محمد اللي لما عمل إحكي يا شهرزاد...
Posted by وليد فواز on Sunday, November 22, 2020