دراما الأعلى للإعلام: 34 مخالفة بالواد سيد الشحات في حلقة واحدة.. و3 مخالفات بمسلسل زلزال

رصدت لجنة الدراما بالمجلس الأعلى لتنظيم الإعلام، في الحلقة 11 من مسلسل الواد سيد الشحات، 34 مخالفة تنوعت ما بين 23 لفظ سوقي ودوني ومبتذل، و10 مخالفات لاستخدام ألفاظ أجنبية، ومخالفة واحدة حملت إيحاءً جنسيًا.
وبحسب تقرير اللجنة التي حصلت "الشروق" نسخة منه، جاءت المخالفات التي حملت ألفاظ متدنية ومبتذلة وسوقية في المشاهد الآتية:
1 - ريتاج لزوجها سيد: وديت اختك المصحة؟.. سيد: وديتها المصحة بس أول ما دخلنا قعدت تصرخ وتجري وتقول أنا عايزة خالد عايزة خالد وبعدين راحت دخله الحمام، واقفة على طرف الكابنية ونطه start ..ريتاج: وعاملت إيه؟.. سيد: ولا حاجة شديت عليها السيفون.
2 - سيد لأخيه فخر: منين دانا جاي شابط في حنطور
3 - فخر لأخيه سيد متحدثا عن زوجته ريتاج: عاملة زي اللاب الapple الل نازله windows.. فردت ريتاج: اتلم يا فخر بدل ما أدب إيدي في بؤك اطلع مصارينك اقلبك زي الشراب.
4 - سيد لزوجته ريتاج: لو شوفتي باباكي قوليله يبعتلي البوكسرات القديمة لحد دلوقتي مابعتليش كسوة الصيف.. ثم وجه كلمه لاخيه فخر: عنده شوية بوكسرات يا فخر لو شوفتها تلبسها تيشرتات.
5 - ريتاج لوالدتها: ده حاجة خنيقة يعني
6 - فخر لاخيه سيد: ما هي البت بتقولك كده كده الفلوس هتروحلها وبعدين لو غمقت يعني أوي وامها قفشت أكيد امها مش هتبلغ عشان بنتها عشان هتخاف من الفضيحة (عندما علمت ريتاج بشأن والدتها ستبيع قطعة أرض ب20 مليون جنيه.. قررت سرقة المبلغ بمساعدة سيد وفخر مبررة ذلك بشأن الفلوس ستكون من حقها بعد العمر الطويل لامها).
7 - فخر لأخيه سيد: وبعدين فهمني ياله يا سيد أنت معصلج دماغك المرة ديه ليه؟!
8 -فخر: يا نهار إسوح
9 -ريتاج ل فخر: فخر لو عندك كلمة حلوة قولها معندكش تكتم !
10 -ريتاج لزوجها سيد: جاي ولا الدور الجاي.
11 - فخر لأخيه سيد: مراتك ياله بتروحياله الحقها.
12 -سيد ل سكر "أكرم حسني": اه والنبي يا عم سكر أصل عربيتنا العيال الصغيرة فسوا الكاوتش.
13 -سيد لوالدة ريتاج: نعم! بقلنا 6 ساعات في الطريق وهي لسه مجتش إيه هي الدنيا عندكو سبهلله ما فيش رجالة في العيلة.. لأ يا فخر ديه راجعة مع عيل خرع ممكن تتخطف منه في أي لحظة.
14 - سيد لزوجته ريتاج: في إيه يا هانم.. في إنك راجعة ورا البيه على الحصان وانتي عارفة كويس أوي إن جوزك عنده أملاح ورجله بتنقح عليه فكان ذوقيا يعني تسيبيني أركب وراه الحصان وتيجي مشي مع فخر.. فرد سكر: ده كلام بردك يا ريتاج ياستي قولنا ان توتو عنده أملح في رجليه كنتي خليكي انتي يا حرمه تيجي مشي مع فخر.
15 -سيد ل سكر: سمعت يا سبع البورمبة.
16 -ريتاج لزوجها سيد: أنت عبيط يا سيد أكيد كان في قسيمة جواز!
17- سكر ل فخر: اقفل خشمك ياد
18- فخر متحدثا مع نفسه عشان سكر: هو إزاي زبالة كده!
19- سيد ل سكر: فكك بقى عشان انت بتشتغلني
20- سيد ل سكر: ودني جابت دما منشخيرك
21- والدة ريتاج ل فخر: وانت كمان يا حيوان اطلع عالي فوق.. فخر: الله يكرم اصلك ياما
22- سكر ل سيد: انت أفورت في المكياج وخلتها تروح للسكة البطالة
23- سكر ل سيد: هو متعود يما يا إما يشرب جزر يا إما يشيش
فيما كانت المشاهد التي حملت ألفاظ أجنبية 11 لفظا أجنبيا وهما،
Start -Apple -windowssession -mammy -Cash -Like -Back left -connected -Followers -
كما رصدت اللجنة مخالفة واحدة حملت إيحاء جنسيا كان فيها، مشهد سكر ل حمدان: بقولك هات الرجالة وتعالى ايوا هتلافيه في الغيط ارنوبة كبيرة كيف البرنسيسة مولعة جزرة وبتهز في الفرنوكة... (حيث قاما سيد بالتنكر في ارنبة ووضع مكياج على وجهه ليجلب الأرانب الذكور.. وأخذ يهز مؤخرته).. وقال ل سكر: مولعة جزرة طيب ممكن تلحقني بسرعة عشان وأنا بحرك الفرنوكة ده ممكن الأرانب تيجي تنهشني.. فرد سكر: متقلقش وساعتها حتى ولو حصل نعتبره تجربة مؤلمة وعإدت وساعاتها بنقبض على الذئاب الأرنابية ديه والموضوع ينتهي).
فيما رصدت اللجنة في الحلقة 11 بمسلسل زلزال، 3 مخالفات تنوعت بين مخالفتين تحملان ألفاظ سوقية، ومشهد تدخين، وبحسب تقرير اللجنة فكان هناك مشهد البلطجي جالس مع زملائه أحدهم يقول له هو إللي خلقها مخلقش غيرها فيرد عليه: علشان متمنعه عليا بنت الكلب ومينفعش أمد أيدي علي مره (ست).
وكان المشهد الآخر بين حلا شيحة والبلطجي وهي تضربه فيقول لها يا بنت المجنونة فيتدخل أحد الأشخاص ويقول له إيه إنت حتضرب حرمه (ست)، فيما كان مخالفة التدخين تضمن "البلطجي يدخن سيجارة وهو جالس مع أصدقائه".