«بتقولها إزاي؟».. رواد مواقع التواصل الاجتماعي يتحدثون عن مصطلحات وسط البلد

تصدر هاشتاج " #وسط_البلد"، قائمة الأكثر تداولًا في موقعي التواصل الاجتماعي "تويتر- فيسبوك"، بعد دقائق من إعلان محافظ القاهرة اللواء خالد عبدالعال، بدء إزالة جميع الاشغالات بمنطقة وسط القاهرة، تمهيدًا لجعلها قطعة من أوروبا.
وعبر العديد من الرواد خلال الهاشتاج عن المعنى الذي تمثله هذه المنطقة لهم، وكيف تتغير جميع المصطلحات داخلها عن غيرها من أحياء مصر، حيث أنها تعد من أكثر الأماكن التي يتردد عليها المثقفين والشعراء.
غرد معتز الأدهم، عبر حسابه الرسمي قائلًا "إنت ممكن تبقى مبسوط في أي حته لكن طالما قعدت في وسط البلد يبقى اسمها ممتن"، فيما كشفت فتاة تدعى ندى عبدالله، عن اختلاف مصطلح "حوارت" عند أهل المنطقة، قائلة "ممكن تبقى اسمها حوارات في أي حتة بس لما تبقى في وسط البلد هتبقى ازدواج في المعايير أو مفيش حكم مطلق".
كما عبرت "ندى" عبر فيسبوك، عن كيف تكون "القهوة" مختلفة في وسط القاهرة، قائلة: "ممكن تبقى اسمها فيروز وقهوة ي كل حتى، بس لما تقعد في وسط البلد هيبقى اسمه عمق".
وكتب مصطفى يونس، عن اختلاف الحب في المنطقة، قائلًا: "ممكن لو بتحب حد تقوله ربنا يخليك ليا، لكن في وسط البلد اسمها يديم وجودك".
فيما قال شاب يدعى حسام السيد: "لو مخنوق من شغلك، صحابك هيقولولك خليك في شغلك وقدم الC.V وربنا يكرم بحاجة أحسن، بس لو قاعد معاهم في وسط البلد هيقولولك اجري ورا شغفك".
أما عن محمود طاهر، فشارك في الهاشتاج بقوله: "ممكن صاحبك يبيعك في أي حتة لكن لو باعك في وسط البلد يبقى خذلك".
وقال شاب يدعى أحمد شوقي: انت ممكن تعجب بأي منشور يقابلك ع الفيس لكن طالما نزلت وسط البلد يبقى اسمها حبيت"، فيما قالت شيماء: "اسمهم عيال في أي مكان أو أطفال بس في وسط البلد اسمهم الإندرايدج وقود الثورات".
وكتب آسر مصطفى: "اسمها إسكندرية في اي حتة بس لو بتقولها وانت في وسط البلد يبقى لسمها اليكس"، أما عن أحمد بازوم، فقال: "ممكن تبقى كبرت في أي حتة لكن طالما قعدت في وسط البلد يبقى اسمها نضجت".