زاهي حواس مازحا: «الفراعنة كانوا أهلاوية».. و عمرو أديب: «أنت عايز تنكد عليا»

مازح العالم الأثري زاهي حواس، وزير الأثار الأسبق، الإعلامي عمرو أديب، بعد تعادل فريق نادي الزمالك أمام النادي الأنجولي بيترو أتليتكو، قائلًا: «مبروك تعادل الزمالك أنا لسه شايف هدف التعادل حالًا»، ليرد الأخير: «أنت عايز تنكد عليا، شوف بنتكلم في إيه مال الآثار ومال الزمالك».
وتابع «حواس» ساخرًا في مداخلة هاتفية ببرنامج «الحكاية»، المذاع عبر فضائية «إم بي سي مصر»، أمس الأحد، «أنا قولت أباركلك»، ليداعبه «أديب»: «وشك حلو وأنا كمان عايز أباركلك على الأهلى اللي بيكسب في آخر دقيقة روح الفانلة الحمراء وأنا روحي طلعت خلاص».
وأضاف «حواس» ساخرًا: «أنا قولتلك الفراعنة كانوا أهلاوية وأنت مصدقتنيش، وأنت قولت الزمالكاوية هما اللي بنوا الهرم الأكبر»، ليعلق «أديب»: «طبعًا أمال التقدم اللي إحنا فيه ده منين، شكرًا».
واستطرد: «مجرد سؤال الأهلي بعد كل ده ياخد الدوري، زمالك يتعادل بيراميدز يتغلب الأهلي ياخد الدوري، معتقدش إن شاء الله الزمالك ياخد الدوري وسنظل أوفياء، ونروح نقعد مع حبايبنا الدكتور زاهي حواس ونحتفل».
وتعادل فريق نادي الزمالك على أرض ملعب الجيش ببرج العرب، بهدف لمثله، خلال اللقاء الذي جمعه ببيترو أتليتكو الأنجولي ضمن الجولة الثالثة من دور المجموعات من الكونفدرالية.