قالت ليلة عامر، بطلة الكليب المثير للجدل «بص أمك»، إنها قدمت اسكتش غنائي ضمن فيلم «سلك عريان»، مؤكدة أن الأغنية لا تتضمن أي إيحاء جنسي. وأضافت «عامر»، خلال مداخلة هاتفية ببرنامج «كلام تاني»، المذاع عبر فضائية «دريم»، مع الإعلامية رشا نبيل، مساء الخميس، «كلمات الكليب مفيهاش أي إسفاف، ومفيش حد في مصر مبيقولش (بص)، وأنا بقدم أغاني محترمة». وتابعت: «الأغنية دي في سياق العمل الدرامي، بس مكانش مقرر أنها تنزل دلوقت ولا بالشكل ده، ومعرفش اتسربت إزاي، كانت لسه هيحصل فيها تعديل»، مستطردة: «وبعدين هو أنتو سبتوا كل المشكلات اللي في البلد، ومسكتوا في الأغنية دي؟ ما سعد الصغير، غنى للحمار، محدش أتكلم ليه؟». يأتي ذلك على خلفية تداول مواقع التواصل الاجتماعي فيديو كليب باسم «بص أمك»، للمطربة ليلة عامر، أثار الجدل بين رواد السوشيال ميديا.