فيديو.. جابر القرموطي: «كروت الشحن بقى جواها مصيبة سودا»

علق الإعلامي جابر القرموطي، على قرار شركات المحمول بخفض قيمة رصيد كروت الشحن، قائلًا: «الكروت قلت، والشركات قالت إنها لن تزيد أسعار الكروت، ولكن اللي جواه مصيبة سوداء»، حسب تعبيره.
وأضاف «القرموطي»، خلال تقديمه برنامج «آخر النهار»، المذاع عبر فضائية «النهار»، مساء الخميس: «لما تروح تشتري كارت هتلاقيه ب110 زي ما هو، بس هتلاقي جواه 70 جنيها».
وتابع: «كارت 10 جنيهات رصيده 7 جنيهات، وكارت 15 جنيهًا رصيد 10.5 جنيه، وكارت 25 جنيهًا رصيده 17.5 جنيه، وكارت 50 جنيهًا رصيده 35 جنيهًا»، حسب قوله.
وبأسلوبه الساخر قال: «اللي يتزوج اليومين دول يسمي ابنه كارت أو محمول علشان يتنغنغ».
يذكر أن شركات المحمول أعلنت خفض قيمة الرصيد داخل كروت الشحن بدءًا من الجمعة.

مفاجأة.. ماذا قال #جابر_القرموطي عن #كروت_الشحن ؟!#أخر_النهار pic.twitter.com/Tmqe40FMWA
— Al Nahar TV (@AlNahar_TV) September 28, 2017