بعد إلغاء امتحان «الديناميكا».. طلاب الثانوية على «تويتر»: «ارحمونا بقى »

بعد إقرار وزارة التربية والتعليم بتعرض امتحان مادة الديناميكا للصف الثالث الثانوي، إلى عملية ترسيب، وقرارها بإلغاء الامتحان، وإعادته مرة أخرى، لم يعد بيد طلاب الثانوية العام سوى مشاركة همومهم ومشكلاتهم عبر موقع التواصل الاجتماعي "تويتر".
وعبر موقع التدوينات القصيرة، أعرب العديد من المستخدمين عن غضبهم الشديد من ظاهرة ترسيب الامتحانات، ثم إلغائه، وهو ما يلقي أعباء إضافية على الطلاب.
وترصد "الشروق" أبرز تعليقات الطلاب على إلغاء امتحان "الديناميكا":
علقت المستخدم أحمد سلامة على إلغاء مادة الديناميكا، قائلا: " شعور وإحساس وحش جدًا إنك تمتحن ماده زى الديناميكا لحد آخر الوقت، وتتعب في الحل وتطلع من اللجنة تلاقى الامتحان اتلغى .. الله يكون ف عون الطلبة!".
شعور واحساس وحش جدا انك تمتحن ماده زى #الديناميكا لحد اخر الوقت وتتعب ف الحل وتطلع من اللجنه تلاقى الامتحان اتلغى .. الله يكون ف عون الطلبه!
— Ahmed Salama (@AhmedSalama) June 26, 2016
كما أشار المستخدم محمد موسى، إلى طول مدة امتحانات الثانوية العامة، بعد إلغاء الامتحانات المسربة، وإعادتها مرة أخرى، قائلا: "طلاب ثالثة ثانوى ربنا معاهم ويعوضهم ويقويهم على اللي هم فيه ده، على كده هيخلصوا على العيد الكبير".
#الديناميكا
طلاب تالته ثانوى ربنا معاهم ويعوضهم ويقويهم على اللى هم فيه
ده على كده هيخلصوا ع العيد الكبير
— MUHAMMAD MOUSA (@m2I_13) June 26, 2016
كما أعربت المستخدمة آية البدراوي عن غضبها، معلقة: "هو مفيش أي مراعاة لمشاعر أهالي الطلبة المطحونين من 9 شهور في دوامة مش عاوزة تخلص، ارحمونا بقي منكم لله".
هو مفيش اي مراعاه لمشاعر اهالي الطلبة والطلبة المطحونين من 9 شهور في دوامة مش عاوزة تخلص ، ارحمونا بقي منكم لله #الديناميكا
— ★AYA★ (@AyaElbadrawy3) June 26, 2016
وتوقعت إنجي أحمد أن ظاهرة تسريب الامتحانات ستؤدي إلى رفع مستوى التنسيق بالجامعات، فقالت: "لكل واحد فرحان بالتسريب.. السنة دى تنسيق علمى رياضة هيبقى عااالى أوووووى .. ممكن هندسة عين شمس توصل 98% ! اشربوا".
لكل واحد فرحان بالتسريب .. السنة دى تنسيق علمى رياضة هيبقى عااالى اوووووى .. ممكن هندسة عين شمس توصل 98% ! اشربوا ????
#الديناميكا
— Eng Ahmed Hussien (@EngA7medS7s) June 26, 2016
وعبر معتز نادي عن انتصار صفحات تسريب الامتحانات على وزارة التعليم، قائلا: " إلغاء امتحان الديناميكا للثانوية العامة.. شاومينج Vs وزارة التعليم 2/ صفر".
إلغاء امتحان #الديناميكا للثانوية العامة.. شاومينج Vs #وزارة_التعليم 2/ صفر
— معتز نادي (@MoatazNadi) June 26, 2016
أما المستخدم محمد عبد الفتاح، فانتقد طريقة تعامل وزارة التعليم مع ظاهرة تسريب الامتحانات، قائلا: "عارف إنت الموضوع بالظبط زي ما يكون واحد ف اللجنة بيغش فالمراقب عمل محضر غش للمدرسة كلها!.. عشان عاجز يطلع مين اللي بيغش منهم!".
عارف إنت الموضوع بالظبط زي ما يكون واحد ف اللجنة بيغش ف المراقب عمل محضر غش للمدرسة كلها! ????
عشان عاجز يطلع مين اللي بيغش منهم!#الديناميكا
— عبفتاح (@mhmd_fattah) June 26, 2016
وشاركته في الرأي المستخدمة سارة حسن، قائلة: " يعني دلوقتي انتي كوزارة فاشلة مش عارفين تحافظوا على الامتحانات من التسريب تقوموا ملبسينا مسؤلية فشلكوا".
يعني دلوقتي انتي كوزارة فاشلة مش عارفين تحافظوا على الامتحانات من التسريب تقوموا ملبسينا مسؤلية فشلكوا !!#الدفعه_المظلومه#الديناميكا
— سارة (@sarahassan251) June 26, 2016