حكيم يتساءل فى ألبومه الجديد: «عرفتوا أنا مين؟»

قرر المطرب حكيم إضافة أغنية اخرى لألبومه الجديد حملت عنوان «عرفتوا أنا مين؟» كلمات عصام حجاج، وألحان تامر حجاج، وتوزيع أشرف البرنس.
الأغنية تحمل طابع الدراما الشعبية، وستكون بمثابة مفاجأة لجمهوره من حيث الكلمات والألحان والتوزيع بحسب تأكيد حكيم فهى تعد لونا مختلفا عليه وهو ما كان يبحث عنه.
ويضم الألبوم الجديد 10 أغنيات ومن المقرر طرحه خلال الفترة القادمة، ويتعاون من خلاله مع عدد من الشعراء والملحنين والموزعين من بينهم الشاعر الغنائى أمل الطائر والذى يعود للتعاون معه بعد غياب طويل، وتامر حجاج، وهانى فاروق، ومحمد عبدالمنعم وغيرهم.
وتقول كلمات الأغنية:
«أنا فى الدنيا ضيف.. وحيد مع انى بين ناسى.. وبفرح فى الحياه تخاطيف.. وشايل الدنيا فوق راسى.. عرفتوا أنا مين.. أنا اللى تملى قلبى حزين.. وبضحك بس على نفسى.. على.. على أمل إنى أعيش يومين..عرفتوا أنا مين.. أنا اللى فى كل دمعة عين.. بشوف نفسى.. أنا اللى فى كل يوم بيفوت.. بيزيد بأسى.. أنا المحسوب على العايشين.. لكن منسى.. أنا اللى الحب مش شايف.. ولا شايفنى.. أنا اللى الفرح مش عارفه.. ولا عارفنى.. عرفتوا أنا مين.. وعيت على الدنيا متلطم.. ما بين همى وأوجاعى.. وعشت وسط ناس خاينين ودنيا بتلوى فى دراعى.. أنا شوفت المرار ألوان.. واتحملت فوق طاقتى.. حلمت كتير اعيش مرتاح.. وعشت فى خنقتى وديقتى.. أنا اللى فوق كل دمعة عين.. بشوف نفسى.. أنا الفرح مش عارفه.. ولا عارفنى.. أنا الحزن اللى كبرنى.. انا اللى جرح كتفنى.. عرفتوا أنا مين».
ومن ناحية أخرى يستعد حكيم لعمل «دويتو» جديد بعنوان «هجيبك هجيبك» مع فنانة أمريكية شهيرة، بالإضافة لتحضيره لأغنية جديدة «سينجل» سيقوم بطرحها خلال عيد الفطر، الأغنية من كلمات الشاعر الغنائى ياسر عليم، وألحان تامر حجاح، وتوزيع إسلام سعيد، وأحمد حداد، ومن المقرر أن يسافر حكيم للبرازيل ليقوم بتصويرها بطريقة الفيديو كليب.