الرياضيون: الأمن وراء "مجزرة" بورسعيد لإجهاض الثورة!

أجمع عدد من النقاد الرياضيين والمحللين أن الأحداث المؤسفة التي شهدتها مباراة المصري والأهلي مدبرة ومتعمدة من جانب الجهات الأمنية لإجهاض الثورة المصرية.
وقال نادر السيد في قناة الأهلي: "لما يمر ساعة وأكتر ومافيش أمن ولا جيش ولا شرطة يبقى ده معناه إيه.. يبقى ده مقصود ومتعمد"
وأضاف السيد في: "هي دي نتيجة الثورة.. لا مش نتيجة الثورة.. دي نتيجة ناس فاسدة مش عايزة تتحرك".
وتابع: "واضح إن المسئولين عايزين يفرحوا بده.. بنناشد بقى أهل بورسعيد إنهم ينزلوا يحموا النادي الأهلي ويعتبروا ستاد بورسعيد هو ميدان التحرير".
ومن جانبه قال المحلل الفني خالد بيومي في قناة النهار: " فيه حد سايب الموضوع.. فيه شيء متعمد.. ازاي مافيش تأمين لبعثة الأهلي.. الناس دي ليها دور في الل بيحصل دلوقت".
وأكمل: "بعد ساعة ونص فاكرين دلوقتي يتدخلوا.. لسه فاكرة الشرطة تتدخل".
فيما قال العامري فاروق لقناة الأهلي: "فين الجيش وفين القوات المسلحة.. والأمن اللي مش قادر يأمن ماتش هايقدر يأمن بلد".
وفي سياق متصل قال: "ممدوح عباس رئيس نادي الزمالك: الأمن ساب ناس كتير تدخل الملعب من غير تذاكر النهارده.. ده معناه إيه؟".
أما محمود علام مدير عام النادي الأهلي علق: "بنعمل إتصالاتنا مع الجهات المسؤلة ولكن لا أحد يتحرك".
وفيما يلي بعض تعليقات شوطها على الفيسبوك:
-يتم تنفيذ حكم الاعدام فى التراس اهلاوي بعد جريمتهم بالهتاف يسقط حكم العسكر .. تحت سمع وبصر قوات الامن.
-عشان مش ناقصة فتى فى اللحظات السودا دي ، دا شغل داخلية و لا شئ الا داخلية ، مش كورة و لا ماتش كورة ، المصرى فاز الناس نازلة بالوحشية دي ليه وازاي وازاي الامن يسيبهم ؟
و حريق استاذ القاهرة يحصل ليه ؟
الداخلية عايز تولع الدنيا لانها عارفة ان دورها جاى خلاص.
*