حكايه ناس

كان ياما كان كان فى حكايه لناس, اب واخ وابن, و جده وبنت وست, ساعات من عيله واحده و ساعات من ناس ودنيا تانيه.
اكلوا وشربوا معنا لانهم جزء من كيانا, ابويا عمى وخالى,
كان فيه زمان استعمار وقصر وملك ومقامات وذوات وشعب عايش فى حاله ولواجباته, متعود على استعمار حياته ومعتقداته, لكنه متاماشى لحد فرج ارضه وبلاده..
اكيد مش كل النفوس كانت صافيه ولا نيتها سلام, واكيد فى ناس صياده شغلتها بوشين وتتمنى الفلوس بزياده لِسلم الذوات والالقاب, و ناس تانيه غاويه سياسه وكانت طريقه برضه لرفع المقام, وفى ناس فى غنى عن الكلام وفى منهم من احسن الناس, وفى عجينه تانيه اللى منهم اسفل السفلين المتسلقين.
حكايتنا عن السفلين: لما الناس تكون عايشه فى سلام ويجى استعمار وعَمر وعاش, وبقت منظومه الحياه كلها تأمرمنهم لهم, ادى لتوغل وتفكيك بلاد وفكر فكر وعمل خريطه لسنين قدام لان هو كمان صياد وعنده قوه وهدف وانقاذ لبلاده البعيده اللى قاست وكانت تقاسى من اسياد وسياده وجاه, ده غير البرد ومرض وفقر وجوع وقسوه الحياه, فبدءوا يدرسوا الدفا والموارد, والاستراتجيه.. وكان كمان مناداه من مجموعه كان فى لها مصالح مع بلاد تانيه كِبرت ودُعمت وقدمتها على طبق من فضه ودهب و كان ده كله من حظنا الاغبر لأن ده خط سير تجارتهم وغيرهم وكمان خصوصا ان كان وقتنا زمن رخاء وقوه وفى عزنا..
كان زمنا زمن كله نعم وبر ومساعدات لغيرنا كمان وان ام الدنيا كانت حاميه لحدوها غيرها كمان واللى عندها للكل ام حانيه على ارض بدون حدود متعلمه…و خاضعه للدوله العتمانيه
مماليك على فرنساوين على انجليز على المان وحروب اولى وتانيه واستعمار فبدء تكوين جماعتهم لمحاربتهم وفى نفس الوقت لتعزيز مصالحهم والمان كانوا حامينهم…
استعملوا الدين ساتر لتسلقهم والجوامع استسهال لاجتماعتهم, ولكن اتحاربوا كتتير من الملكيه للجمهوريه.
اتلجموا ودخلوا الجحور وعاشوا فيها سنين وهى تعدى عليهم وهم متعايشين يتكاثروا ويتوغلوا كخليه تحتيه فى صمت.
حاولوا كام مره واتنين الظهور للنور ولكن اخرتهم دايما تفشل والرجوع للسكون. الى ان جت اللحظه اللى اشتغلوا لها سنين ووسنين حاكم انهم منظمين صبورين ولكن للاسف كدابين و كمان بدون خبره ده غير الغدر لعبتهم و الغايه تبرر الوسيله ده منهجهم.
وشعارهم المستعمل لغسيل عقول الناس:
طريق منظورهم. "الله والرسولغايتنا، آنوالقرقدوتنا، والجهاددستورنا، والموتسبيلنا، في سبيل الله أسمى أمانينا".
و هنا حانقول زعلانه عليكى يا مصر لأن خلاص كده الاداميه اتلغت والقلوب ماتت والقسوه والجهل عمى البصيره …
تعبت و انا زعلانه اوى اوى
من كل يوم خبر وحزن وحكايه وزعلانه اكتر علينا ..
زعلانه على الدموع والفرقه زعلانه على الناس والأسيه
كل شويه فرقعه فى كنيسه وجامع وكمين
عندك حق يا صاحبى لما سألت وقلت ايامنا الحلوه راحت فين وايه اللى غيرنا..
حاقول احنا السبب وحانحاول لان لازم نحاول نرجع حياتنا من تانى..
شدايدنا كترت ولكن روحنا وعزيميتنا هما مصرنا
انا عاوزه بلدى تانى ????????
دقى اجراسك ياكنايس وارفعى اذانك يا جوامع وامسح دموعك ياشعب…
بلدنا جميله وابوابها مفتوحه مهما ان كان
كفايه الضحكه اللى من القلب ضحكه ودمعه واحده من اى مصرى
على الحلوه والمره متقاسمين ودفا بلدنا عايشين
مصر الجدعنه والكرم, مصر الجمال والامان
نحن اقباط مصر وسنظل
يارب سلم بلدنا واهلنا واحفظنا وقوى روابطنا.. بحبك يا ام الدنيا
يا محروسه يا احلى مصر يا مصرنا
تحيا مصر
منى حسن