حبك أكبر

يا بلادى حبك أكبر عن كل غالى حبك اكبر
ومهما تضيق الأمور تتدبر ونسايم الايمان بتصبر
بلدنا بنحبك للنهايه ونخاف عليك للنهايه
لو وقع طفلنا على الأرض ثانيه
أول خطواته وهو بيخطى للدنيا
قلبنا بيقع ويطير عليه والقلب بيسمى عليه
ونقول له اسم الله عليك الله يحميك ويهنيك بالدنيا
ونفضل نراعيه طول عمرنا نراعيه بروحنا وعمرنا
يا بلادى حبك أكبر يا أغلى حب عندنا
يا بلادى حبك أكبر من كل غالى حبك أكبر
ومهما تضيق بتتدبر
ونسايم الحب بتصبر
بنضحى علشانك بالغالين عندنا يا بلدنا
حنانا وحبنا لك أكبر بكتير بنصونك ونصون عرضنا
يا بلادى حبك أكبر من كل غالى حبك أكبر
العصفوره بحجمها الصغير وفمها نونو صغير
لو عضت ابننا الصغير
بيصرخ ابننا الصغير ونجرى نشيله فى حب كبير
ونبكى ونقول قدر ولطف الله الكبير الله قدر ولطف كتير
يا بلادى حبك اكبر
من كل غالى حبك اكبر
ومهما تضيق بتتدبر نسائم الايمان بتصبر
ولو جرح ابننا الصغير جرح صغير صغير
وعنينا شافت جرحه الصغير بينزف دم قليل صغير صغير
آه نبكى ونحزن ونتىثر وكأن جرحه الصغير
فى قلبنا كبير ونزف يملا غدير
اللى راح ما يتبدل
ولا فى الحق بنجادل
وربنا السميع عادل