كل يوم

بحبك يا مصر

بحبك يامصر .. بحب سماكي وارضك .. بحب زرعك ونخلك .. بحبك نسمة صيف في وشوش العرقانين والشقيانين .. بحبك ام وحضن وصدر تمسح دموع ولادها المظلومين .. بحبك سما يساعي قلبها كل المصريين .. بحبك يامصر وانت حبيبتي وانت صديقتي وانت اللي دائما في بالي يامصر .. وانتي طريقي وحبي الحقيقي ياام الشهد وبسمة وليد عزمك شديد وصبرك جميل وبالك طويل ياصامدة مثل النخيل ياللي عمرك ما عرفتي المستحيل يامسامحه ياللي عارفة لفين رايحه .. يا كبيرة .. يا عظيمة .. يا اصيلة ياشمس الاصيل .. مهما ومهما حيحصل انتي الكبيرة وانتي القادرة وانتي الباقية وكلنا رايحين .. ياما شفتي محن .. ياما دفعتي الثمن .. وارتوت ارضك بدم الشهداء .. ومسحتي دموع المظلومين والابرياء .. ورفعتي للسما اياديكي بالدعاء .. وقلتي يارب يا قادر ياكريم يا رحيم احفظ ولادي من كل شيطانا رجيم .. من كل معتدا اثيم خبيث مكار لئيم .. ما تزعليش حقك علينا .. حنشيلك جوه عنينا ,, وبايدينا حنعلي بنيانك .. ونرجع امجادك .. علشانك حنعمل كتير .. علشانك حنصبر كتير .. ومهما قاسينا ومهما عانينا حنتحمل وحنكمل وحنعبر بيكي للخير والنماء ونملا ربوعك بهجه وضياء .. انتي السمو وانتي الكبرياء .. يامصر الرخاء .. ان كنا في شدة اتحملينا .. وان كنا في ضيقه ساعدينا .. قوينا بيكي .. داحنا منك وليكي .. وحياتك يابلدي ليكون بكره احلي م النهاردة ويكون بعده احلي من بكره .. امانه عليكي ماتزعليش .. ماتغضبيش مننا خلاص عرفنا الطريق وعرفنا مين العدو ومين الصديق.. سامحينا ياغالية وادعيلنا من قلبك .. والله بنحبك بنحبك بنحبك.