إنتخابات مجلس الشعب .. وتوافد الملايين للمشاركة

إنتخابات مجلس الشعب .. وتوافد الملايين للمشاركة المشهد العام فى إنتخابات مجلس الشعب صباح اليوم أكد على وجود نوع من التعاون الإيجابى والمشاركات الشعبية الجماعية بين المشاركون فى التصويت على الإنتخابات البرلمانية هذا العام ، حيث توافد جموع المصريون للمشاركة والتعبير عن أرائهم ، ويبدو أن هناك تعاون قوى ومثمر من قوات الجيش المصرى لتأمين الانتخابات ، حيث تواجدت قوات الجيش داخل المدارس التى فتحت أبوابها لاستقبال الجماهير الشعبية من أبناء مصر .
ظهر هذا التعاون فى إلتزام المواطنون بأدوارهم فى طوابير الإنتخابات أمام المدارس فى مدينة نصر وعدم حدوث مشاجرات بينهم ، يقفون بإنتظام وصبر وتطلع للمستقبل ، ورغبة فى ممارسة حقهم .
إلا ان هناك بعض اللجان الانتخابية لم تخلى من المشاكل ولكن سريعاً ما تم السيطرة على الوضع وعادت اللجان لممارسة عملها .
شارك الملايين فى العملية الإنتخابية رغم الزحام الشديد ، كما حرص كبار السن على المشاركة فى الإنتخابات ، الكل يأمل فى حدوث تغير واختيار نوابهم بحرية .
ولكن إلى أى حال سوف تنتهى الانتخابات ؟؟ هل ستحدث انتخابات عادلة وناجحة وصحيحة أم يعود الحال إلى ما كان عليه ويحدث تزوير كما كان يحدث فى الانتخابات السابقة ، الكل متفائل ومقبل على المشاركة املا فى حدوث تغير .
وهذه مجموعة من الاراء تستعرضها جريدة شموس :
• أمال عبد الفتاح محمد – صاحبة مشروع خاص :
أنا أشارك فى الانتخابات علشان احنا عايزين يكون لينا حكومة ، يكون لينا بربمان وعايزين تغير ونتمنى حال البلد يتصلح للاحسن ، وانا مستبشرة خير من ناحية الانتخابات ومتوقعة الاحسن ومتفائلة احنا هنعمل اللى علينا والباقى على ربنا ، أنا بشارك النهاردة لأن ده واجب وطنى وعايزة أختار الإخوان المسلمين , أنا شايفة ان الثورة أثرت فى التغير بشكل إيجابى بنسبة 90 % لأن الاول مكنش فيه حد بيعبر عن رأيه الكل كان ساكت لكن دلوقتى بدأنا نتكلم حتى لو مفيش حد بيسمع لكن على الأقل بقى فى مشاركة هنبدأ نحب بعض هنبدا نحب لغيرنا اللى نحبه لنفسها .
• أسماء محمد فهمى – ليسانس حقوق
أنا أول مرة اشارك فى الانتخابات وشايفة إنها مشاركة قوية ومهمة ونزول الانتخابات دلوقتى أصبح واجب على كل مصرى علشان يحصل تغيير ، لأن الأول كان صوتنا محدش بياخد بيه لكن دلوقتى ان شاء الله هيحصل تغيير ، أنا رأيى ان الثورة اعطت امل للتغيير لكن الله أعلم ، بس ان شاء الله يحصل تغيير .
• أميرة محمد سعد – مدرسة رياض أطفال
كان فى صعوبة فى التعرف على اللجنة لانى لما دخلت الرقم القومى على النت ملقاش اسمى وحاولت اكتر من مرة لحد ما عرفت اللجنة .
المشاركة الانتخابية مهمة جداً وده واجب وطنى علينا ان احنا نشارك فى الانتخابات وكمان احنا لازم نشارك فى الحياة السياسية ، والانتخابات دى هيقوم على أساسها الدستور ولازم نختار ناس نكون مقتنعين بيهم ومتفقين عليهم ، وطبعاً فيه اقبال كبير على الانتخابات ، وأحسن حاجة انهم فصلوا بين لجان الرجال ولجان السيدات بالإضافة إلى لجنة لكبار السن لتسهيل الدخول وده خلى فيه حرية أكتر وشجع الناس على المشاركة ، أنا شايفة ان فيه تغيير بدأ يحصل فى البلد بعد الثورة لكن احنا لسه مشفناش نتيجته هتبقى ايه .
• مدام أمنة الغريانى – وكيلة مدرسة
المشاركة الانتخابية طبعاً هتنقلنا من حياة لحياة تانية لأن كان يهى حقوق كتير من حقوقنا ضايعة زى الرواتب والعيشة ، أنا ارملة وعندى ثلاث بنات وطبعاً أنا اللى بصرف عليهم غير مصاريف الجامعات وهنا فى مصر مفيش شغل ، أنا كنت عايشة فى السعودية من سنة 1983 وأكيد الانتخابات هتغير حاجات كتير .
المشاركة فى الانتخابات تجمع بين حاجتين إما واجب وطنى أو واجب اجتماعى لأن اكيد اللى عشنا على مدار ثلاثين سنة لازم يتغير ، وان شاء الله هتتغيير الحياة أنا متفائلة واحساسى ان هيكون فيه تغير .
يعنى قبل كده كان فى مصلحة مكنش فية ايجابية فى المواضيع أكيد هيحصل تغيير شبابنا فيه البركة اللى احنا ماقدرناش نعمله هما هيعملوا بإذن الله تعالى .