يا ,,حليلي

زجل مغربي , إحساسي الدي لم يدعني النوم ,
يا حليلي,,,,,,,,,,,,,,,,,,
عرفه عرفه مايمونه
حط الشعير في المايدونه
باش نعشي حاولينا
حاولينا في الجنه
و الجنه محلوللة
حللها مولانا
اي يا حليلي
اييييييييييييييي العيد وصل
طلعت الشمس , هلت الفرحه
حولينا هناك تمه لهيه بعيد بعيد و تبعبع
و انا من بعيد بعيد بعيد تنسمعوا , واخا ما شتوش , و لا حنيتلوا و لا فرحت بيه
أي ايي يا حليلي يا حليلي , أتاي فوق المجمر طالق السبوله
ها حلوة اللوز , ها كعب الغزال مزين الطابله
ها حلوة الكوك و الرزيزة و زيدها الحريشه ,
يا حليلي , يا حليلي الفرحة وصلات على الطابله تدورات
طرب الأندلسي , ماء زهر في المريشات
الجلسه مغربيه, و اليوم مضخم
يوم عيد , يوم سعيد
ها البخور , ها الورد و الثمر
يا حليلي يا حليلي , شحال زوين هو العيد
يا حليلي يا حليلي
شحال زوين العيد , معاكم شحال زوين
ها الوليده لابسه الجلابه للمصلى مشات
ها الوليد تكبر في المصلى تصلي
يا حليلي يا حليلي
شحال زوين العيد
ها الدراري في الحومه فرحانين, لابسين نشطانين
و ها العيلات بالتكشيطات مباركين
ها با الحاج الصحراوي في الحانوت تفرق الحلوى على الدراري
يا حليلي, يا حليلي, شحال زوين العيد
معاكم
باقه حلوة الجنجلان في فمي تذكرني, بهداك العيد في البلاد
أه يا بلادي اه يا بلاي
اه شحال زوينننننننننننننننننننننننن هو هداك العيد
عيد يا عيد يا عيد الفرحه يا عيد البهجه
يا حليلي يا حليلي
و فينك يا عيد و فينك يا العيد
شكون , لي سرق مني الفرحه
شكون لي حيد لي العيد
ما خلا لي لا كاس اتاي لا نشوه
لا قطيب ديال الشوا
عيد يا عيد , وحدي بلا فرحه و لا تكشيطه
لا شوا و لا خبزة , لا اتاي لا حلوى
عيد يا عيد
جات الغربه قتلاتوا
جات الغربه حيداتوا
جات الغربه ما خلاتلوا فرحه و لا نشوه
لا حباب و لا طابله و لا حولي تبعبع
لا مبروك و لا ميمه نبوس و نعنق
و لا بوب نفرح و نبارك
نسمع منوا الرضى على بنتي
يا حليلي و شحال زوين هو هداك العيد
عيد يا عيد , سرقاتك مني الغربه
……………………………………………………
يا حليلي
كاس ديال اتاي
الفرحه , و البهجه
الحولي تبعبع
و انا تنجري و تنغني
عرفه عرفه مايمونه
حط الشعير في المايدونه
باش نعشي حاولينا
حاولينا في الجنه
و الجنه محلوللة
حللها مولانا
و عرفه عرفه مايمونه
يا ,,,,حليليييييييي
للتو
باناصا الأسطورة