بحب مصر ومش هاسيبها …

صحيح مابحبش الناس اللى بتسرق وترتشى وتنصب .بس بحب الشباب الشقيان عشان يستر أهل بيته ..
مابحبش البنات اللى بتبيع شرفها بالفلوس ..بس بحب البنات الشرفاء اللى شايفه كرامتها فى ركوب ميكروباص وجسمها نظيف ولا إنها تركب عربيه اخر موديل وجسمها نجس ..
مابحبش الرجاله القوادين ..بس بحب الرجاله اللى بيخاف على شرف وسمعه كل ست تخصه او ماتخصوش ..
مابحبش اللى ناهبين البلد وعايشين فى قصور ..بس بحب بياعين المناديل وعامل النظافه وعامل البناء وكل إنسان فقير وبيشقى عشان يعيش بالحلال ..
مابحبش الظابط الى بيظلم ويفترى على حد مايعرفوش لمجرد جاله توصيه من حد يعرفه ..بس بحب الظابط الى طالع عينه عشان يءدى شغله باخلاص وواهب حياته وروحه للبلد ..
مابحبش الفنانات اللى مرخصين لحمهم واللى طالع يغنى بصوت اقبح من سرينه العربيه …بس بحب الفنانين اللى بجد المأصلين سواء طرب او تمثيل او شعر او تاليف
مابحبش اللى بيقتلو كلاب وقطط الشارع وبيعزبوهم ..بس بحب اللى بيعطف عليهم وبحب القطط والكلاب دول نفسهم على مدى صبرهم وتحملهم واصرارهم على الحياه …
مابحبش اللى بيضحك على بنات الناس …بس بحب اللى بيتجوز ويشقى عشان يستت مراته ويربى عياله ..
مابحبش اللى لابسين طرح ومن تحت فيزون والاسم محجبات..بس بحب البنت اللى ساتره جسمها بجد سواء محجبه او غير محجبه ..
مابحبش العيال اللى بيتحرشو بالبنات فى الشارع ..بس بحب كل راجل والا شاب شهم لو سمع صريخ بنت يجرى ويفديها بروحه حتى لو مايعرفهاش ..
مابحبش العيال اللى بينشلو شنط البنات ومحافظ الرجاله ..بس بحب كل إنسان محترم لما يلاقى ولد والا بنت يقوله انا اتسرقت وماعيش فلوس اروح يديله فلوس ومش شحاته لا يديله مبلغ فعلا يروح بيه ..
مابحبش اللى بيقتل وفى دمه الاجرام ..بس بحب الشرطه اللى بتقبض عليه وتجيب للناس حقها ..
مابحبش الاخوان اللى من ساعة ما ظهرو ماشفناس منهم غير قتل ودمار وتفجير وغباء وتخلف وفتاوى حرام وسعى وراء سلطه ومال بس …لكن بحب الرئيس السيسى اللى رجع لنا كرامتنا ورفع راسنا وعمل انجازات فى سنتين بس ..
لو رصدناها هانتعب من كثر القراءه .. كفايه انه لم شمل الدول العربيه وهانبقى قوة اقتصادية وسياسية وعسكرية واحده .
انا فعلا بحب مصر وبحب الناس المحترمه اللى فيها والناس اللى تعبانه ومحتاجه مساعده منى ومن غيرى حتى لو بكلمه او فكر او فعل ..ومش هاسيب بلدى اللى محتجانى واروح بلد ناس تانيه يستفادو بخيرى وشبابى …مكمل فيكى وهاخليكى اجمل بيا ..