المغرور& المتواضع

الشاعرة/ سهام سامى
قال المغرور للمتواضع:-
انا شايف نفسى فى أعلى مكان
إنما شايفك لسه مكانك !
لسه بتتعامل بسماحه
و الطيبه مفكرها متاحه!
قال المتواضع للمغرور:-
أنا بسعى و ربنا مِدِيني
لكن بتعلم من ديني
إن الدنيا دى نص حياه
مش لازم اتكبر يعني
و اتنك على خلق الله
قال المغرور للمتواضع :-
بص لنفسك جوا مرايا
حاول تفهم
ان الدنيا دى فيلم طويل
يا تبقى بطولته بشكل نهائى
او تطلع فى الصوره بضهرك
علشان دورك فيه دوبلير
قال المتواضع للمغرور:-
ازاى شايف نفسك عايش
و انت لوحدك بين الناس
احنا مسيرنا يا صاحبى هنرحل
و هيفضل اسمك و خلاص
هيقولوا دا كان راجل طيب
او هيقولوا دا كان ملعون *
بص المغرور كدا و استعجب !
و اتنهد قبل ما يتكلم
طبطب على كتف المتواضع
و استأذن علشان مستعجل
----------------
الشاعره/ سهام سامى