تحدى

الشاعر سمير احمد القط:
وفى عز كل المستحيل
بأمشى ف طريقى
وفى عز سيرى
بدون دليل
بقتل ف ضيقى
واكتب حروفى
للامل واعيش حياتى
واقول ماغيرى
بيحتمل
فى الغيم يوماتى
والكل فينا فى الحياة
يشبه فى بعضه
ان كان سعادة او هموم
يتلقى وعده
وان طال فى
عمره او قصر
لازم هاينسى
ويكتب سطوره كلها
ويضيع فى همسه
علشان كده لازم
نكون بالصبر
فوق المستحيل
ونرضى بقسمة ربنا
واليه نميل
نحمد ونشكر ع النعم
وع العطايا
اللى غمرنا بفضلها
وشال البلايا
دى الدنيا مليانه عِبر
وياما تجارب
بس البصيرة فى الخبر
وفى المشارب
افتح عيونك كلها
وشوف الحقيقة
واكشف حياتك مِنّها
ماتغيب فى ضيقة
وسمى وصلى ع الحبيب
وابدأ نهارك
تلقى الشموع كلها
ماشية فى مسارك
تلقى الشموع كلها
ماشية فى مسارك