ابن الاصل من طينك

انا اللى شيلت ف يوم كفنى
على ايدى ومش ندمان
وزارع أمَلِك ليوم عِيدك
وعِيدى كمان
ماخفت يوم من الظالم
ولا خفت من الطُغيان
وعايش فدا حبك وعلى
فجرك فاتح له ببان
انا عبد الفتاح وده ربى
ناصر عبده رحيم منان
وَفِيت بالعهد وكان
حسبى كريم رَحمان
زرع حبى وخرج شَعبى
ونادى لفجره سبقنى وعَان
وزاح همه وزاح همى
وطاح غربان
مانيش طامع ولا جامع
لجاه زائل ولا سلطان
ولا عاوز اكون تابع ولا خاضع
لقيد تافه زى زمان
لانى ابن الاصل من طينك
شارب نيلك وعلى شَطه
جذور نسبى فى كل مكان
لان بدمى رويت ارضك
فديت عرضك وعلى عهدك
انا باقى مع الشجعان