زاوية اولي و وقت انكسارك في المرايا كل الطيور جأت و اعلنت .... . اول ساعات الاحتضار والشمس ملت م السما لمت خيوطها كلها ف جوف النهار رفعت رأيات الاعتراض علي حكمه الحلم العجوز و صقور كتير علي ضفة الجرح الأليم قعدت وحيدة بتنتظر لحظه وصول باقي بدن مطعون بخنجر الظنون نفسك تقدف وسط موج الانحدار تنفد بجلدك م الغرق ف فجوة الحلم الأخير ولسه مش عارف تقوم حاول كمان جمع شظايا المرايا وبص علي صورتك وشوف اية الحكاية زاويه ثانية رافض تكون للموج اسير لساك بتحلم بالصمود؟ فاكر انك منتهتش ! وباقي للقصه سطور دانته في السطر الاخير ومعادش نور ازاي تأمن بالنجأة!؟ وقت انشقاقات القمر لحظه رضا قدرك عليك مادد ايديك بتنادي للحلم الاخير طاب لما يجي هتعمل ايه؟ زاوية ثالثه صوت الجرس عمال بيعلي جوه منك والقزاز بيضيق الرؤيا في عينيك ضاعت خلاص فرص الهرب ولا النهاية قربت والرؤية ضاقت بالنظر نور القمر بهتان حزين اقفل كتاب ماضي السنين سلم مشاعرك لاندهسات القدر شايف القمر نوره اختفي و كل الزوايا صابها مر الانكسار حتي النهار اعلن في قلبك انطفاء نور الشموس
