الرسام

ضحكوا و قالوا
في زمانه الشاطر
هو الرسام !
يكدب بالألوان
يرسم اسكتشاته بالأوهام
حاجات فوق بعضيها
شخبطه شخبطه !
أي كلام
بره أبيض
جوه أسود
ده كله بيلعب بالألوان !!!
في ناس تلون قلبها بمشاعرها الصدقه
و في ناس قلبها مليان الغام !
و ناس تغير لونها مع الأيام
أصل الدنيا معدتش أمان
و ناس جواها جناين
توزع ورودها في كل مكان
وناس تفضل علي حالها
مهما تغير الزمان
وناس ترسم الفرحه
فيدوب الحزن أوام أوام
و ناس ترسم الحزن في وش الطيابه
و تجرح كمان و كمان !