إتشال مننا م الهم كتير بعد ماعملنا التغيير

يعنى نعدل ف الدستور ونبقى مفتحين مش عور
ونخلى المستقبل مليان بالنور والشعب كله يبات مسرور
تمانين سنه بس ده عمر الريس كان لازم يقعد ويتيس
ويكبر فى السن و يهيس ويقول انا لسه حلو كويس
يارب ارزقنا بغيره أمير ومايلبسناش عمرنا طراطير
وبيني وبينكم سر ف بير قولوا للرشوه لأ باغير
ويكفينا شر اللي يقول هات أذا كانوا رجاله أو ستات
وأوعي تقولي ضميرك مات زمن الرشوه ماولي وفات
عايزين أيه تاني من التغيير غير ريس طيب عنده ضمير
مصر أم الدنيا قولوا أمين وكل الدنيا بكده عارفين
واللي يعوزنا يلاقي جنودنا لأي قضيه رجال جاهزين
والشرطه خلاص ما ليها مناص غيرحبنا ويكونوا عارفين
وجيش النصر بولاد مصر بقي مسئول وبأسم الدين
ونحمي حدودنا زي جدودنا ونحمي بلدنا من المغتصبين
علشان بس الرب كبير واحنا احتاجنا لده التغيير
وبعد النصر بأحلي مصير واتشال مننا م الهم كتير
عايزين ايه تاني م التغيير