يوميات مواطن شقي

أول ثمار الثوره تكوين فريق الفراوده بقيادة الكابتن محمد حسني مبارك وتشكيل الفربق كما هو موضح بالكشف المرسل لنا من نيابة الأموال العامه صانع الألعاب الكابتن حسني مبارك وقلب الهجوم زكريا عزمي وصفوت الشريف واحمد نظيف وخط الوسط فاروق حسني واحمد المغربي واحمد عز والباكات جمال وعلاء مبارك وزهير جرانه وحارس المرمي الكابتن فتحي سرور وده لاعب دولي وليه مباريات كبيره وهو سيد الملعب وسيد قراره وعلي دكة البدلاء عمر عسل وأخرين والمدير الفني للفريق مش حسن شحاته ولا حسام حسن واخوه ابراهيم ولكن طالبينه بالأسم مانويل جوزيه لأنه عارف أزاي يكسب الماتشات وأهو النادي الأهلي أكبر مثل قدامكم مابيكسبش الا بجوزيه والبركه في اللمه وسلملي ع المترو ولسه الموسم كبير وماخفي كان أعظم وربنا يقدرنا عليهم وأول ماتش بيراهنوا عليه هو شعب مصر بس للأسف شعب مصر داق طعم الحريه فالي غير رجعه الدوري والكاس ان سجلوا فريق الفراوده في الجدول وللحديث بقيه تفتكر السيد الرقيب ح ينشر الكلام الفارغ ده قول يارب مع تحيات صعلوك سرقه الملوك الشاعر / نبيل عبدالعزيز