أنا مصري

أنا مصري فقير غلبان وساكن تحت
ومشكلتي أن أنا ساكن ف أخرالفحت
أنا واحد من الحرافيش عمري ما أتأنزحت
صابر وراضي ولا عمري يوم بجحت
محروم وحرمت ولادي ولا مره يوم بحبحت
نسينا شكل الزفر ونسيت أني مره دبحت
ولاماشي علي حل شعري ولا حتي أتسرحت
وقبل غروب الشمس تلقاني قوام روحت
مأدي فروض ربنا وبعدها كمان سبحت
وهمومي ورا ضهري كلها ياناس طوحت
وياما ناس ظلموني ولاعمري يوم جرحت
ولا بأقدر أغلط فيهم ولا مره كمان أبحت
وأن جم في يوم قلبوني تلقاني قوام شلحت
ولا مره بأرد عليهم ولا فيهم يوم فتحت
والفقر بقي صاحبي ويوماتي عليه صبحت
هو ما أنش الأوان وأشوفني يوم أرتحت
مع أن أمي دعت لي تشوفني مره فلحت
وافلح أزاي وأنا خايب وعمري ما أتنصحت
وأراهنك علي ثروتي لو كنت يوم أرتحت
وأرتاح بس أزاي وأنا أصلا أتكسحت