ابني مسلم

زار الحرم
زار المدينة
قلبه عامر بالإيمان
بصلي مع جده
وساعات لوحده
وساعات في الشارع
مع أولاد الجيران
بحب السبحة
فاكرها نبله
وجودها في إيده
حماية وأمان
فوق السرير
يكلم أمه
ياللا يا ماما
نقول قرآن
يرفع إيده
ويدعي لربه
بابا جابلي ساعة جميلة
يارب يجيب نظرة كمان
لسه صغير كله براءة
وكل طموحة لعبة بسيطة
ولما نقوله اللعب حرام
ينسى اللعبة ويشكر ربه
وبعد ثواني يكون نعسان
يصحا الصبح
يلاقي صاحبة
لسه بيلعب
يرجع ليه بابا يا بابا
أنا زعلان
ليه يا حبيبي ؟
صاحبي بيلعب
وأنا مش عايز
ربنا يبقى
عليه غضبان
وأنا مش عارف
ربنا قابل طاعة ابني
ولا شروط الطاعة ان ابني
لازم يبقى من الإخوان ؟
------------------------
waleed_elwasef@yahoo.com