خواطر المزيني في احداث الاسكندرية

ياعروسة يااسكندرية لية تصرخي في نص الليل
علي محمد ومرقص تنادي وتهتفي من ولاد الليل
إلحقو ولادي كانو بيعيدو في كنيسة القديسين بالليل
لية دمهم سايل يجري في شوارع سيدي بشر بالليل
عدوك يامصر عايز نيليك ما يجري بخير اليوم
ولاعايز ابنك يتعمد ولا عايز صلاة ولا صوم
عايزها خراب وغراب يزعق وحدادي الشوم
ولادك يامصر لازم يصحوا بقي وكفاية نوم
يامصر نادي بعلو الصوت يمكن ولادك يسمعوا
ولادك لحضنك قبل فوات الاوان لازم يرجعوا
والسلام والأمن في المدن والشوارع كمان يرجعوا
والادب قبل العلم للمدارس وفي الحواري يرجعوا
أحمد انا وسمعت حنينك ياما في منامي يناديني
يمية النيل ياطهرة بالتسامح اجري اغسليني واضيني
اصلي وادعي يارب انا وأنيس علي عدونا قويني
يارب انا واخويا ماتفرقنا وبالستر دايما غطيني
أنيس أنا وسمعت أنينك ياما في وداني يناديني
يمية النيل ياطهرة بالحب اجري اغمريني عمديني
أرنم واطلب يا ايلاهي انا واحمد بتسامح الديني
يا إلهنا انا واخويا ماتبعدنا وبالحب امسحنا وداويني
زي ما بياض العين وسودها في جفونا ياما بيتعانق
العمة بيضة واختها السودة في حبك يامصر بتتعانق
وجرس الكنيسة وأذان الجامع في السما الحرة يتعانق
ودم الشهيد محمد وغالي اخوة علي رمل سينا اتعانق
نبيل عواد المزيني
باحث وكاتب مصري
الولايات المتحدة الامريكية
www.elmozainy.com