يا سما

بكت السما دموع على فراق هوى الحبيب حبيبي ..... دموعها خلت دموعي تنزل من على طرف عيني
يا سما بشكيلك همي , حبيبي ضاع من إيدي ..... قوليلي أرجعه إزاي , متقوليش العمل مش في ايدي
قوليلي أعمل ايه يا سما , قوليلي وزيدي وعيدي ..... دلوقتي أجيب حبيب تاني منين , يبقى زي حبيبي
هوايا راح مني , حبيبي مش عايز يبقى حبيبي ..... هشكي لمين غيرك يا سما , مين غيرك دلوقتي شايف حبيبي
...
طب أقولك , كفاية تطمنيني عليه ولا تغيبي ... يا خسارة يا سما , كنت بتطمن عليه من غيرك , ليه ده نصيبي
كنت عايش معاه زماني , وإيديه مش لامسة إلا إيدي ... كنت شايف على طول هواه , وعينيه ما تشوف إلا عيني
ليه كده يا سما , تخليني أكلمك من غير ما اكلم حبيبي ... ليه كده تبقى أنتي اللي شايفاه , من غير ما تشوفه عيني
ليه أنا مبقاش دلوقتي معاه , ليه مبقاش ويا حبيبي ... ليه كده يا سما , ما تردي عليا بقى , ردي عليا وقوليلي
...
يا ترى حبيبي بيعمل ايه , في أيامه اللي من غيري ..... يا ترى لسه فاكرني , ولا نسي أيامي معاه ونسيني
بحلفك تفكريه بيا يا سما , فكريه بنظرة عيني ..... فكريه بأيام الهوى اللي راحت , فكريه بلمسة إيدي
يمكن يحن ليا , وليا يرجع , ويقول ده كان حبيبي ..... يقول ده إحنا كنا سوا , ويقول أرجع تاني لحبيبي
حققيلي الحلم ده يا سما , خليني أحس بيه في إيدي ..... خلي أيام الحب ترجع , خليني أرجع لحبيبي